Bohong Culik di Kuningan, Dhany : Masyarakat Ulah Waka Percaya Beja Nu Tacan Tangtu

GALURA- Ibur ngeunaan beja aya murid SD anu diculik di Kuningan . Eta beja papatalepa boh di lingkungan masarakat boh dina media sosial (medsos).

Samalah dina medsos mah aya nu nepika nyebutkeun ngaran nu sarimbag reujeung ngaran murid salah sahiji sakola di Desa Kertaungaran, Kecamatan Sindangagung.

Kepolisian Resort Kuningan engeuh kana sumebarna eta beja nu matak ngamarudahkeun masarakat teh.

Baca Juga: Ekskul Literasi jeung Jurnalistik SMK Roudlotul Ulum, Ngokolakeun Mading PENA RU jeung Buletin Sakola

Nyusud ka lelewek Kelurahan Cijoho, Kecamatan Kuningan, ku sabab ceuk beja nu katampa ku pulisi aya budak di Cijoho anu diculik

Dipaluruh ka Cijoho taya kajadian penculikan. Dina media sosial aya nu nyebut di Kertaungaran, tapi kitu deui taya kajadian penculikan.

'Hartosna beja nu sumebar di masarakat sareng medsos teh henteu leres atawa Hoax," ceuk Kapolres Kuningan, Ajun Komisaris Besar (AKBP) Dhany Aryanda.

Baca Juga: Runtah Ngunung-ngunung, Kepala Pasar Baleendah: Lolobana Pamiceunan ti Luar

Patali reujeung eta hal, Dhany miharep masarakat Kabupaten Kuningan, teu waka percaya kana beja anu tacan tangtu.

Cindekna, lamun nampa beja kudu dipastikeun heula bener henteuna, sangkan masarakat henteu tagiwur.

Pon kitu warga nu boga budak umur pantaran TK, PAUD, SD kudu leuwih ditalingakeun sapopoena.