Mabokuy, Momones Anyar Ti Rajadesa, Ciamis, Mucunghul tina Jiwa Seni Warga nu Apal Kana Potensi Desa

“Saterasna, malar sadayana emut yen Rajadesa beunghar ku barang karajinan tina awi, nu motekar, ngareka momones, nya ngajanggelek Mabokuy tea,” pokna.

Baca Juga: Hikmah Pandemi, Doel Sumbang leuwih Getol Nyanggi Lagu Anyar

Eta momones teh deuih, dipiharep bisa mingkin ngawanohkeun produk karajinan Rajadesa utamana barang anyaman, boh di Ciamis, boh di Jawa Barat atawa Nasional.

Mun nu mikawanohna rea, cenah, hasil karajinanana tangtu bakal ngaraharjakeun rahayat desa nu boga kasab kana nyieunan barang karajinan.

Adi nembrakkeun, manehna jeung warga Rajadesa sejenna ayeuna teu weleh neundeun harepan Mabokuy bisa nyeungitkeun ngaran Ciamis dina widang kasenian nu raket patalina jeung muatan lokal.

Baca Juga: Sampyong Seni Tarung nu Mimiti Mekar di Desa Baribis Majalengka, Ceuk Tb Hasanuddin, Perlu Regenerasi

“Tapi abdi saparakanca yakin, Mabokuy, hiji waktos bakal kakoncara kamana-mana sapertos Bebegig Sukamantri atanapi nu sanesna, anu mucunghulna kaayeunakeun,” cenah.

Sok midang, atoh

Mabokuy ayeuna remen midang di sawatara tempat/Galura/Dok Aam PS

Sok sanajan teu remen, seni Mabokuy ayeuna sok rajeun midang, cara dina iringan-iringan atawa helaran Agustusan tingkat kacamatan, atawa tingkat Kabupaten.