GALURA.CO.ID -SMK Jawa Barat meunang medali emas dina Lomba Kompetensi Siswa Sekolah menengah Kejuruan (LKS SMK) Nasional XXXI nu di digelar 23-28 Oktober 2023 di Kota Surabaya, Jawa Timur. Anu meunang medali emas teh Handika Biantika jeung Toher Azzaeni, siswa SMKN 2 Subang, dina mata lomba Landscaping & Gardening.
Siswa sejenna ti SMK di Jawa Barat nu meunang medali emas: Andi Ahmad Yusuf (siswa SMKN 1 Subang), miluan lomba Web Technology; M. Gaza Alfaruq (siswa SMK Karya Nasional), dina lomba Automobile Technology. Opatanana kacida bungaheun jeung ngarasa gumbira pedah meunang medali emas.
“Teu nyangki kenging medali emas,” ceuk Toher. Handika jeung Toher nyebutkeun ku miluan LKS jadi loba pangalaman nu luhur pisan ajenna. Nambahan kawawuhan deuih, lantaran panggih, sarta ngawangkong jeung siswa-siswa SMK utusan ti unggal provinsi di Indonesia nu miluan LKS tingkat nasional.
Sakumna nu miluan LKS taun ayeuna pada-pada nyebutkeun jadi nambahan elmu, pangalaman jeung luang. Contona, Edji Primansah, siswa SMKN 5 Bandung nyebutkeun loba hal pulunganeun.”Intina mah gaduh pangalaman anyar,” ceuk Edji nu miluan lomba Bricklaying.***