Network
GALURA.CO.ID - Konferensi Kerja (Konker) III Persatuan Guru Republik Indonesia (PGRI) Kabupaten Bandung dilaksanakeun di Pangandaran, Saptu 29 Oktober 2023.
Konker III PGRI nu dijejeran ' Tranformasi Pendidikan Menuju Indonesia Maju, Mantapkan Solidaritas dan Soliditas Menuju Kemenangan' diluuhan ku 31 cabang pangurus nu aya di Kabupaten Bandung.
Ketua PGRI Kabupaten Bandung H. Adang Syafaat nyebutkeun, iwal ti ngevaluasii program nu geus lumangsung, dina Konker III PGRI Kabupaten diiistrènan pangurus Smart Learning Center and Character(SLCC) jeung Perempuan PGRI.
Baca Juga: Keur Nyinglar KKN Disdik Kabupaten Majalengka Nerapkeun Pusat Pelayanan Terpadu
Ketua PGRI Propinsi Jawa Barat H. Dede Amar hadir tur muka ieu acara. Dede nu danget ayeuna calon anggota DPR RI dina eta kasempetan umajak ka sakum pamilon Konker ngadoa babarengan keur Ketua PGRI Cabang Rancaèkek, Elis, nu tilar.
Satuluyna Dede Amar ngawilujengkeun ku dilaksanakeunana Konker jeung pelantikan anak lembaga PGRI (SLCC jeung Perempuan PGRI) minangka komitmen para anggota.
Dede Amar nepikeun, PGRI Provinsi Jabar bakal ngalaksanakeun Pekan Olahraga Guru. Inyana meunteun Porseni nu geus dilaksnakeun PGRI Kabupaten Bandung luar biasa. "Simkuring nyaksian perlombaan luar biasa 14.000 peserta defile hadir," ceuk H.Dede Amar.
Kepala Dinas Pendidikan Kabupaten Bandung Dr. H. Agus Firman Zaini, M.Si jeung Staf Ahli Bupati, H. Rulli Hadiana nu dina tanggal 25 Oktober 2023 tukeur jabatan hadir dina Konker ieu. Agus Firman dibagèakeun sedengkeun Rulli Hadiana meunang panuhun salila 2 taun jadi Kadisdik.
Agus Firman ngaku hayang PGRI leuwih ngabogaan sumanget pikeun kamajuan atikan di Kabupaten Bandung. "Pa Ruli ahli pamarèntahan nu milari elmu di Disdik, simkuring di sosial nu milari elmu di pamarèntahantam. Duanana lulus. Upami guru tos sertifikasi disebatna linear." ceuk Agus Firman.*** Sopandi
