Network
GALURA.CO.ID -Aya kana 1.700 urang aub dina Jambore Pendidik dan Tenaga Kependidikan (PTK) Pendidikan Anak Usia Dini (PAUD) 2023 nu digelar di Bumi Perkemahan Gunung Puntang salila dua poè, 7-8 Oktober 2023.
Kegiatan nu dibuka ku Bunda PAUD Kabupaten Bandung, Hj.Emma Dety teh diluuhan ku Kepala Dinas Pendidikan (Kadisdik) Kabupaten Bandung, H. Ruli Hadiana jeung rèngrèngan;
Sekretaris Disdik Hj.Euis Sumiati, Kabid PAUD Eman Sulaeman, jajaran Forkopimcam Cimaung, Bunda PAUD ti 31 Kecamatan, Ikatan Guru Taman Kanak-kanak Indonesia (IGTKI), Persatuan Guru Republik Indinesia (PGRI) katut Tim PKK.
Baca Juga: Wisuda XXIV S1 IAI Persis Bandung Bupati: Wisudawan Tanggungjawab kana Elmu nu geus Disuprih
Hj. Emma Dety nepikeun naon waè program pendidikan di Kabupaten Bandung turta ngampanyeukeun anti bullying.Kabupaten Bandung ceuk Hj. Emma keur ngaronjatkeun RLS (Rata rata Lama Sekolah).
"Ku ieu acara dipiharep engke ka payun RLS ningkat deui. Komo deui jumlah sakola PAUD langkung seueur batan SD, guruna ogè langkung seueur. Danget ieu guru PAUD nu kenging honor nembè 5.180 urang, " ceuk Hj.Emma Dety waktu muka Jambore, Saptu (7/10/2023).
Minangka Bunda PAUD , Hj. Emma Dety ngaku dirina sok meredih ka Bupati Bandung sangkan malirè guru PAUD.H j.Emma balaka, dirina ogè kungsi jadi guru PAUD. Tina kituna bisa ngarasakeun naon anu dipiharep ti guru PAUD.
"Mugia ka payun aya tambihan. Masih kènèh seueur nu teu acan ngaraoskeun honor. Janten sabar heula," pokna.
