Alun-Alun Garut, Diropea tapi Merenah Keneh Disebut Alun-Alun, Ciri Hasna Teu Leungit

Ari lapang nu lega mah diantep lega teu diwuwuhan ku adegan sejenna, cara aslina. Nu bedana, titincakanna wungkul, jadi leuwih alus jeung modern.

Nurutkeun catetan, alun-alun Garut teh kaasup alun-alun nu boga ajen sajarah nu gede, sajaba ti minangka tempat nu polana sarua jeung alun-alun sejen di Pulo Jawa nu kungsi kaereh ku Mataram jeung dijajah Walanda.

Hiji bukti boga ajen sajarah, alun-alun Garut kungsi katincak ku Presiden RI munggaran, Soekarno, dina hiji waktu.

Baca Juga: Endog Lewo Kuliner Has Garut, nu Mimiti Nyieunna Haji Amin Urang Kampung Lewo, Sangkan Sampeu Teu Mubadir

Harita Soekarno nepungan warga Garut tutur cacarios dina hiji adegan nu nepi ka ayeuna aya keneh, babancong. Babancong teh adegan nu mirupa panggung paranti calik gegeden, nyaksian rupaning pintonan di alun-alun.

Tadi disabit yen pola alun-alun Garut sarua jeung pola alun-alun nu kaereh ku Mataram atawa dijajah ku Walanda, dan jeung enyana eta the.

Di sakuriling alun-alun Garut ti bihari nepi ka kiwari teu robah. Di beh kidulna aya pendopo, nu minangka imah dines Bupati, ari di kaler (baheula kungsi aya wangunan sejen, nyaeta kantor pembantu gubernur).

Baca Juga: Dua Wisata Kuliner di Bogor, Nasi Sunda jeung Bebek Madura, Mewah tapi Murah, Merenah keur Kulawarga

Di beh kulon alun-alun aya Masjid Agung, sedengkeun di beh wetan aya penjara atawa ayeuna mah disebut lembaga pemasyarakatan.

Eta pola, memang sarua jeung pola kota jaman Walanda sejenna di Pulo Jawa, najan aya oge nu beda dina cicingna adegan. ***