Network
GALURA.CO.ID -Pemilu 2024 tinggal kurang leuwih tilu bulan deui. Harepan mangkak deui, harepan Pemilu 2024 ngahasilkeun pamingpin nu bener-bener pamingpin. Ceuk Galura cetak IV Oktober 2023 mah pamingpin nu harendong papak.
Naon harti harendong papak? Eta teh babasan. Harendong bangsa tutuwuhan rungkun salira. Buahna nu geus hideung mah rasana amis. Galura cetak IV Oktober 2023 nyebutkeun papak teh hartina sarua atawa nyaruaan.
Harendong papak bisa dihartikeun kaadilan, kamakmuran kabeh ngarasakeun hal nu sarua. Hukum teu seukeut ka handal jeung teu ledu ka luhur. Atuh nu ngarasakeun pangwangunan henteu ngan ukur hiji atawa dua golongan atawa kelompok, tapi dirasakeun ku sakumna rakyat.
Baca Juga: PDIP Majalengka Optimistis Ganjar Pranowo Mahfud MD Unggul, Moal Beurat Ngayonan Prabowo Gibran
Unggal pemilu, ceuk Galura cetak IV Oktober 2023, rahayat teu weleh neundeun harepan, teu weleh optimistis kaayaan bangsa jeung nagara leuwih hade ti batan memehna. Atuh kahirupan leuwih ngaronjat batan memehna.
Soal naha harepan teu atawa kurang ngawujud eta mah soal lain. Mana kitu oge meureun bangsa urang tacan waktuna kawas nagara sejen nu beres roes, rahayatna subur ma'mur.
Tulisan sejenna dina Galura cetak IV Oktober 2023: Ampir wae Mangsa Kawas Kaudag (Satukangeun Lalangse) nu nyaritakeun saurang lalaki nu geus imah-imah Ampir kagoda ku urut kabogohna mangsa SMA.
Di jaman Karajaan Sunda, Galuh, Sunda Galuh, jeung jaman Pajajaran aya juru tembang nu biasa ditanggap dina upacara ritual nagara jeung agama. Ieu dipedar dina rubrik Nyukcruk Galur. Lian ti eta oge dipedar angklung kungsi dipake musik korps prajurit Sunda Galuh jeung Pajajaran.
Baca Juga: Yayah Rokayah, Wanoja Tunanetra ti Rawamerta Kabupaten Karawang Tapis pisan Tepak Kendang
