Network
GALURA.CO.ID -Dumasar hasil rekapitulasi perolehan suara partai politik jeung calon anggota legislatif di tingkat KPU Kabupaten Bandung, Rebo, 6 Maret 2014, Partai Kebangkitan Bangsa (PKB) resmi ditetapkeun jadi nu unggul dina Pemilu 2024 di Kabupaten Bandung.
Ketua DPC PKB Kabupaten Bandung Dadang Supriatna, ngaku kacida syukurna. Keur DPR RI, PKB nambah hiji korsi jadi dua kursi ti Dapil Jabar 2, Dr H Cucun Ahmad Syamsurijal jeung Asep Romy Romaya.
PKB DPR RI ogè meunang sora panglobana di Kabupaten Bandung sajumlah 409.514 sora. Ketua Fraksi PKB DPR RI, H Cucun nu jadi Caleg PKB DPR RI Nomer Urut 1 meunang 218.885 sora.
Ketua Pemuda Pancasila Kabupaten Bandung, Asep Romy Romaya, Caleg Nomor Urut 2 meunang 70.029 sora.
Angka beubeunangan sora caleg PKB DPR RI tèh can ditambah jeung beubeunangan sora di Kabupaten Bandung Barat (KBB), lantaran caleg DPR RI Dapil Jabar 2 ngawengku Kabupaten Bandung jeung KBB. Sora PKB jauh unggul ti partey sèjèn.
DPRD Provinsi Jawa Barat, PKB ogè meunang sora panglobana di Dapil Jabar 2 sajumlah 381.620 sora, nganteurkeun calegna, Humaira Zahrotun Noor jeung Asep Syamsudin ka DPRD Provinsi Jawa Barat.
Humaira, caleg PKB nu pangpunjulna sora di antara caleg di Dapil Jabar 2, meunang 174.180 soara.
Baca Juga: Di Kabupaten Bandung, PKB pikeun saheulanan Unggul
