Janari Tadi KPU Kabupaten Bandung Rèngsè Pleno Rekapitulasi Hasil Pemilu 2024

GALURA.CO.ID -KPU Kabupaten Bandung ahirna bisa ngarèngsèkeun Rapat Pleno Rekapitulasi Penghitungan Suara Tingkat Kabupaten Bandung poèb Rebu, 6 Maret 2024 janari.

Samèmèhna, KPU kabupaten Bandung nargètkeun ngarèngsèkeun rekapitulasi 3 poè, ti tanggal 1 tepi ka 3 Maret pikeun sajumlah 31 kacamatan di Kabupaten Bandung.

Ngan rekapitulasi nu digelar di Hotel Sutan Raja Soreang teh, tug tepi ka poè ke 3 can kelar. Nya dituluykeun isukna dina poè kaopat.

Baca Juga: Poè Katilu Rekapitulasi Hasil Pemilu 2024 Kabupaten Bandung Ketua KPU: Teu Rèngsè Ayeuna Ditarèkahan Isukan

Can kènèh rèngsè, nyèsakeun 2 kecamatan, antukna dituluykeun dina poè ka-5, pindah ka Kantor KPU Kabupaten Bandung di Jalan Sindangwargi, Kecamatan Soreang.

Ceuk Ketua KPU Kabupaten Bandung, Syam Zamiat Nursyamsy, nu nyababkeun elatna rekapitulasi tèh dina proses ngakurkeun data ti tingkat kecamatan jeung interupsi ti para saksi.

"Alhamdulillah ayeuna tos rèngsè. Rekapitulasi tos dibacakan di payuneun para parpol sareng Bawaslu. Finalisasina  sateuacan ngalangkungan dinten, " ceuk Syam Zamiat, Rebo, 6 Marer 2024.

Total jumlah sora sah jeung teu sah di Kabupaten Bandung: 2.265.384 sora.

Keur sora Presiden jeung Wakil Presiden, pasangan nomer urut 01  meunang 636.793 sora.