Pelabuan Periakanan Cilauteureun Ngeruk Muara Cilauteureun, Kapal Bisa Larsup

GALURA.CO.ID -Dinas Kelautan dan Peri­kan­an (DKP) Jabar, sakumaha nu diebrehkeun ku Kepala UP­TD Pelabuhan Perikanan Cila­uteureun, Dr. Donny Orlando W, ST, MPSDA., Ahad (07/01/ 2024), kiwari nangenan 20 palabuhan perikanan, salahsahijina palabuhan perikanan Cilauteu­reun, di wilayah Kabupaten Ga­rut.

“Pelabuhan perikanan Cila­ut­eu­reun, mibanda lahan nu kawilang lega. Atuh, potensi sumberdaya lauk laut nu saban poe diala ku pamayang, dina sabulanna ngahontal saton leuwih,” pokna.

Undakna produksi lauk laut,  ceuk Donny, ku lantaran we­wengkon pakidulan mah  me­mang euyeub pisan ku sumberdaya hasil laut, pangpangna je­nis laukna. “Di Cilauteureun, kawentar ku lauk tongkol, layur, lobster, jeung kerapu,” pokna.

Baca Juga: Seni Beluk nu Ngaburahol

Teu ngabibisani, ceuk Don­ny, di Cilauteureun, jumlah pa­mayangna kiwari  ngahontal 834 urang jeung jumlah perahuna kacatet 650 unit. “Mingkin euyeubna jumlah pamayang, temahna aya persaingan nu kompetitif di antara pamayang, solusina memang diperlukeun diversifikasi usaha, ieu salah sahiji garapan simkuring, udagan kahirupan pamayang ngarah leuwih raharja,” pokna.

Kondisi di palabuhan peri­kanan, teu leupas tina bangba­luh, deetna walungan jeung muara. Tarekah Donny, nu geus di­lakukeun, ngaleungitkeun sen­dimentasi di muara. “Awal sasih Desember 2023, UPTD Pela­buhan Cilauteureun, ngedukan muara jeung walungan sangkan leuwih jero deui, ngagunakeun excavator,” pokna.

Ngeunaan muara, alatan sendimentasi, dikeruk oge ku Donny rukun gawe jeung sajumlah pamayang. Hasilna, kapal ikan nu larsup ka palabuhan, ki­wari leuwih laluasa taya barebedan. “Baheula mah, muara teh ukur bisa dipake lalar-liwat 1 atawa 2 kapal, ayeuna mah sang­geus sungut muara diomean bisa 6 tepika 8 kapal nu lalar liwat teh,” pokna.

Wewengkon palabuhan sa­rua deuih dikeruk, taneuhna nu laladeg dipiceunan, palabuhan di­bebenah dihade-hade. “Tos di­ke­ruk mah, di jero palabuhanna, kapal nu pamayang bisa laluasa parkir, teu ngadagoan heula laut pasang, iraha wae  pamayang bi­sa miang ka tengah laut,” pokna.

Baca Juga: Ceuk Beja, Ketua DPRD Ciamis, Nanang Permana, Rek Makalangan dina Pilkada 27 Novemver 2024