Network
GALURA.CO.ID –Pilkada 2024 digelar 27 November, diitung ti bulan Januari masih keneh aya waktu kawilang lila. Di Kabupaten Ciamis, hawar-hawar kadenge saha wae nu bakal makalangan dina Pilkada 2024. Ngan kapastianana mah ngadagoan heula hasil Pemilu 2024 nu dilaksanakeun 14 Februari.
Bupati jeneng, Herdiat Sunarya, nu jadi nyekel kalungguhanana tepi ka 20 April 2024, ceuk beja mah bakal maju deui. Anu tacan jelas teh saha wakilna, naha angger jeung nu ayeuna, Yana D. Putra, atawa jeung nu sejen? Gede kamungkinan Herdiat Sunarya bakal ganti pasangan.
Saha piwakilbupatieun Herdiat Sunarya mun pisah jeung Yana D Putra? Taya aya hawar-hawarna. Didi Sukardi, ketua AMS Kabupaten Ciamis nu oge anggota DPRD Jawa Barat ti PKS kawasna moal daekeun. Didi Sukardi hayangeunana cadi calon Ciamis 1 (bupati).
Baca Juga: Panday jeung Maranggi di Ciamis di Desa Cisontrol Aya Gasoli nu Umurna 5 Abad
Kumaha deuih Yaya D Putra naha bakal ngadidat jadi Ciamis 1, tarung jeung Herdiat Sunarya? Oge tacan jentre. Kitu deui naha geus aya nu ngalamar pi-Ciamis 2-eun (wakil bupati) tacan kedenge hawar-hawarna acan.
Aya selentingan angin, Ketua DPRD Kabupaten Ciamis, Nanang Permana, ti PDI Perjuangan dina Pilkadal 2024 bakal maju jadi Ciamis 1. Ngan pasanganana tacan jinek. Kawasna, saperti Herdiat Sunarya, Nanang Permana oge ngadagoan hasil Pemilu jeung Pilpres, 14 Februari 2024***
