Network
GALURA.CO.ID –Taun anyar taun harepan sagala rupa bakal leuwih hade taun memehna. Tapi keur warga Kota Bandung mah harepan bieu teh meotan. Pamarentah Kota Bandung naekkeun tarif Puskesmas lima kali lipet, nu asalna Rp Rp3.000, jadi Rp15.000.
Naekna tarif Puskesma di Kota Bandung sanggeus kaluar Peraturan Daerah (Perda) Kota Bandung Nomor 1 Tahun 2024 ngeunaan Pajak Daerah dan Retribusi Daerah. Tarif Puskesmas digolongkeun kana retrebusi daerah, teu beda jeung parkir kandaraan.
Penjabat (Pj) Wali Kota Bandung, Bambang Tirtoyuliono, netelakeun medalna perda bieu nu tangtu disaluyuan ku DPRD Kota Bandung kalayan tinimbangan kondisi ekonomi danget ieu, jeung keur ngaronjatkeun pangladen ka masyarakat.
Baca Juga: Panday jeung Maranggi di Ciamis di Desa Cisontrol Aya Gasoli nu Umurna 5 Abad
Naekna tarif Puskesmas di Kota Bandung, ceuk Pj Walkot, henteu tepi ka ngabeuratkeun masarakat.”Naha? Ku kondisi ayeuna henteu ngabeurat pasen. Ayeuna tumuwuhna ekonomi kawilang hade,” pokna Rebo (10/1/2024).
Pj Walkot Bandung mastikeun ku naekna tarif Puskesmas di Kota Bandung, pangladean Puskesmas bakal leuwih ngaronjat. Komo deui engke mah sakabeh Puskesmas di Kota Bandung bakal dijadikeun Badan Layanan Umum Daerah (BLUD).
Ku dijadikeun BLUD, Puskesmas di Kota Bandung bisa ngokolakeun keuangan sacara mandiri, kaasup dina ngayakeun barang jeung jasa nu salila ieu dicamngking ku Dinas Kesehatan (Dinkes).
Mun geus jadi BLUD, Puskesmas di Kota Bandung, ceuk Pj Walkot, moal dibayuan deui tina APBD. “Daek teu daek, APBD keur ngawaragadan Puskesmas kudu dikurangan,” pokna.
Naekna tarif, Puskesmas henteu deui ngasubsidi pasien umum, ku tariff heubeul Puskesema ngasubsidi pasen umum. Naekna tariff Puskesmas di Kota Bandung moal mangaruhan ka pasen BPJS, lantaran make BPJS mah tatamba di Puskesmas teu kudu mayar.
