Dikerukna wilayah palabuhan, walungan tepi ka muara, dipuji pamayang jeung warga pakidulan. “Apresiasi ka DKP, hususna pihak UPTD Pelabuhan Perikanan Cilauteureun, lantaran geus leuwih ti 20 taun wilayah palabuhan jeung sabudeureunna can pernah dikeruk deui,” cek salah saurang pamayang cilauteureun, ujang junaedi.
UPTD Pelabuhan Pantai Cilauteureun, memang andelan DKP Jabar. Garapan wilayahna kawilang lega, sapanjang basisir 399,32 kilometer ti Batukaras Pangandaran tepi ka wilayah Ujunggenteng, Sukabumi.
Payus kituna mah, mun laut pakidulan beunghar ku potensi lauk laut nu rageman. Ngan, hanjakalna, potensi eta can saimbang jeung kamampuhan SDM pamayang nu masih kawatesanan kamampuanna. Tangtuna jeung sarana prasarana kapal laut moderen purah ngala laut nu jumlahna masih kawatesanan.*** Cecep Ks