Network
GALURA -Ketua Umum manten PSSI Mohammad Iriawan alias Iwan Bule, jadi kader Partai Gerindra. Iwan Bule langsung diangkat jadi Wakil Ketua Dewan Pembina DPP Partai Gerindra, ngaganti Sandiaga Uno nu pindah ka PPP.
Prabowo Subianto, Ketua Umum Partai Gerindra, ngabewarakeun Iwan Bule jadi kader Partai Gerindra, sarengsena Rapat Koordinasi di padumukan Prabowo, di Jakarta, Kemis (27/05/2023).
Lian ti Iwan Bule, Mawardi Yahya, Wagub Sumsel oge jadi kader Partai Gerindra.
Ngeunaan Iwan Bule diangkat jadi Wakil Ketua Dewan Pembina Partai Gerindra, ceuk Prabowo Subianto, lantaran eta jabatan kosong sabada Sandiaga Uno pindah partey.
Baca Juga: Putri Anjungsari (100), Raja Dayeuhluhur Ngirimkeun Utusanana, Mileuleuheungkeun Putri Pajajaran
Video Iwan Bule nganjang ka Ketua Umum Partai Gerindra, Prabowo Subianto diposting dina akun instagram @mochamadiriawan. Harita Iwan Bule make kameja bodas has pakaian dinas lapangan Partai Gerindra, nu diadumaniskeun jeung kopeah hideung.
"Bismillahirrahmanirrahim, saya Mochammad Iriawan menyatakan dukungan kepada Bapak Prabowo Subianto untuk maju sebagai calon presiden di Pilpres 2024," ceuk Iwan Bule dina eta videona.
Iwan Bule miharep Allah SWT ngaridoan jeung ngagampangkeun Prabowo Subianto keur mingpin bangsa Indonesia dina taun 2024 engke. Iwan Bule teh tokoh nasional nu mibanda luang jeung pangalaman ngajabat di sababaraha tempat strategis.
Inyana kungsi nyekel kalugguhan Pejabat Gubernur Jawa Barat. Di Polri, kungsi jadi
Kapolsek Denpasar Selatan, Kapolsek Metro Sawah Besar, sarta tilu kali jadi Kapolda Nusa Tenggara Barat, Kapolda Jawa jeung Kapolda Metro Jaya Jakarta.
