Network
GALURA -Pikeun ngajaga stabilitas harga bahan poko dina nyanghareupan Lebaran, Pemkab Majalengka rukun gawe jeung TP PKK katut Dharma Wanita Persatuan Kabupaten Majalengka, ngagelar Pangan Murah jeung Bazar Peduli Ramadhan, di lapang GGM Majalengka (13/04/2023).
Pangan Murah jeung Bazar Peduli Ramadhan, hasil gawe bareng Pemkab Majalengka, TP PKK jeung Dharma Wanita Persatuan tingkat Kabupaten Majalengka teh jejerna "Bangkit Bersama Pasca Pandemi Pulihkan Perekonomian". Dibuka ku Bupati Majalengka, Karna Sobahi.
Bupati Majalengka nyebutkeun Pangan Murah jeung Bazar Peduli Ramadhan digelar teh pamaredih warga jeung keur ngadalian inflasi daerah sarta ngajamin sasadian bahan poko. “Tina kituna, Pemkab Majalengka, TP PKK sareng Dharma Wanita ngayakeun Pangan Murah sareng Bazzar Peduli Ramadhan,” pokna.
Baca Juga: Tausiah Itikaf di Masjid Raya Bandung, Profesi Lahan keur Pepelakan Alaeun Jaga di Aherat
Ngeunaan bahan pangan jeung hahargaan Bupati nyebutkeun Satgas Pangan Kabupaten Majalengka teu weleh ngimeutan bahan pokok jeung hargana.
"Simkuring tos nginstruksikeun ka Kepala Dinas Pertanian kangge nangtoskeun kaperyogian masarakat, kaperluan warga supados nyampak hargana kahontal. Harga bahan poko memang naek tapi henteu apung-apungan,” ceuk Bupati.
Dina ngalaksanakeun pancenna, Satgas Pangan Pemkab Majalengka bareng jeung tim ti Polres katut Dandim.
"Alhamdulillah hasil panalingaan ti lapangan ti ngawitan pasar Cikijing, Talaga, Maja, Cigasong, Kadipaten Jatiwangi, Sumberjaya, Rajagaluh sarta Jatitujuh, hahargaan henteu nerekel," ceuk Bupati.
Baca Juga: Putri Anjungsari (90), Di Kabuyutan Linggahyang, Maharaja Sakti Ngelingan sangkan Terus Majajaran
