Network
GALURA -Sababaraha cara dilaksanakeun rengrengan Polres Majalengka Polda Jabar sangkan deukeut jeung sakumna nu marudik nu keur istirahat di Posyan (Pos Pelayanan) di Rest Area Km 166 Jalan Tol Cipali Majalengka, Jumaah (14/04/2023). Di antarana ngajak ngawangkong nu marudik nu turun tina mobilna.
Jajaran Polres Majalengka di Rest Area km 66 Jalan Tol Cipali sarta ngajak ngawangkong nu marudik teh pikeun ngelingan sangkan nu marudik ati-ati sejeroning lalampahan sangkan salamet tepi ka lemburna sewang-sewangan. Anu diajak ngobrol teh di antarana nu rek mudik ka Yogyarkarta.
Harita, Rest Area km 66 Jalan Tol Cipali, jajaran Polres Majalangka dijejeran ku Kepala Polres Majalengka AKBP Indra Novianto, S.I.K, dibarengan ku Kasat Lantas AKP Ngadiman, S.Kom jeung para PJU Polres Majalengka. Tiluanana nepungan jeung nu mudik.
Baca Juga: Kapolres Majalengka Ngaroris Pospam jeung Posyan di Rest Area Km166 Jalan Tol Cipali
Kapolres Majalengka AKBP Indra Novianto, S.I.K., netelakeun poe eta mimiti loba nu marudik nu istirahat di Rest Area Km 166. Pihakna cumelak ka sakumna nu marudik mun ngarasa cape reureuhk heula samemeh nuluykeun lalampahanana.
“Rengrengan Polres Majalengka teras maparinan pangladen ka masarakat,” ceuk AKBP Indra Novianto. Jajaran Polres Majalengka teu poho omat-omatan sangkan nu marudik ngajaga kondisi kandaraanana sarta meupeujeuhan ngestokeun prokes.*** Ayank R Sambara
