Pirang-pirang kagiatan dina ngeusi amaliah salila bulan puasa téh antarana tajil babarengan, tarawéhan barjamaah, tadarusan, ngokolakeun zakat, bazar Ramadan, tug engké halal bihalal.
Baca Juga: Jadwal Imsakiyah Kota Bandung Salila Bulan Ramadan 2023
Éta kagiatan téh dipiharep sing bisa jadi tuladaneun barudak jeung sakumna warga di lingkungan komunitas, copélna di tingkat RT/RW heula enggoning silititipkeun diri.
Réngréngan DKM As Salaam katut pangurus RT/RW terus ihtiar ngawujudkeun lingkungan nu teu weléh kompak sauyunan.
"Lian ti sarana ibadah, masjid gé minangka sarana sosial jeung puseur komunikasi warga. Ku ngajarkeun rupaning kahadéan ka barudak ti anggalna, muga waé jadi kakuatan jaring pengaman sosial sangkan sosobatan maranéhana tetep karawat dibarung siliajénan," ceuk Acep Purqon.***
Baca Juga: Jadwal Imsakiyah jeung Buka Puasa Poé Ka-2 Ramadan 2023 di Provinsi Banten