Network
GALURA – Nurutkeun katerangan Ibnu Katsir, nalika nafsirkeun hiji hadis Imam Bukhori, Rasulullah kantos ditarajang santet, sihir atawa teluh.
Nalika katarajang santet, sihir atawa teluh, Rasulullah kenging “ilapat” dina obrolan dua malaikat bab panyawatna. Nya dina waktu eta, Allah SWT ngalungsurkeun surat QS Al Falaq ka Rasulullah, minangka hiji tanda yen Allah SWT maha agung.
“Saterasna Nabi maos eta surah tur ditiupkeun kana cai. Caina dibalurkeun kana sakujur badan Nabi dugi pulih deui,” cek Ibnu Katsir dina Tafsir Ibnu Katsir, nalika nafsirkeun hadis Imam Bukhari dina Shahih Bukhari.
Baca Juga: Lawang Bledheg Masjid Agung Demak, Lambang toleransi di Karajaan Demak
Samemehna, cek Ibnu Katsir, nalika Rasulullah Saw teu damang, dilongok ku dua malaikat. Eta malaikat, nu hiji calik caket mastaka Rasul, nu hiji deui caket sampean Rasul. Harita duanana ngalobrol, tur kadangu pisan ku Rasul.
Malaikat A : Alatan naon ieu lalaki geringna?
Malaikat B : Disihir jalma
Malaikat A : Ku naon disihirna?
Malaikat B : Ku buuk nu dijieun kawas boneka, terus ditojos jarum
Malaikat A : Di mana bonekana?
Malaikat B : Diasupkeun kana sintung korma, terus diteundeun dina handapeun batu gede di sumur Darwan.
Malaikat A : Saha nu nyihirna?
Malaikat B : Lubeld bin Asham, urang Yahudi.
Baca Juga: Cenah di Demak Jawa Tengah Tara Aya Gelap da Ditewak ku Ki Ageng Selo
Bacaan QS Al Falaq jeung hartina
Kumaha bacaan QS Al Falaq? Di handap ieu dicatet lengkep jeung hartina dina basa Sunda.
سْمِ اللّٰهِ الرَّحْمٰنِ الرَّحِيْمِ
bismillāhir-raḥmānir-raḥīm
Kalayan Asmana Allah, Nu Maha Murah, Nu Maha Asih.
قُلۡ اَعُوۡذُ بِرَبِّ الۡفَلَقِۙ
Qul a'uzuu bi rabbil-falaq
Pok caritakeun (Muhammad), Kaula nyalindung ka Pangeran nu murbeng balebat subuh.
مِنۡ شَرِّ مَا خَلَقَۙ
Min sharri ma khalaq
Tina kajahatan saniskara anu geus diyugakeun.
وَمِنۡ شَرِّ غَاسِقٍ اِذَا وَقَبَۙ
Wa min sharri ghasiqin iza waqab
Jeung tina kajahatan peuting dina mangsa poek mongkleng.
وَمِنۡ شَرِّ النَّفّٰثٰتِ فِى الۡعُقَدِۙ
Wa min sharrin-naffaa-thaati fil 'uqad
Jeung tina kajahatan tukang niupan cangreud-cangreud (tukang tenung).
وَمِنۡ شَرِّ حَاسِدٍ اِذَا حَسَدَ
Wa min shar ri haasidin iza hasad
Jeung tina kajahatan nu hasud nalika hasudna.
Baca Juga: Geujleung, Albeum Anyar ti KPop TXT, Sapoe Kajual 1,8 Juta, Rekor ti Grup Kameumeut
QS Al Falaq teh surah ka 113 dina Al Qur’an, nu ngandung harti subuh.
Ieu surah kagolong Makkiyah, disebut oge surat al-mu’awwidzatain nu dijerona ngandung harti panyalindungan atawa atau ta’awidz, dilungsurkeun ku Allah ka Nabi Muhammad Saw sateuacan hijrah ka Madinah. ***
