Network
GALIRA.CO.ID -Karang Taruna Andes Desa Cilame Kecamatan Kutawaringin, Kabupaten Bandung, ngayakeun Gebyar Jalan Santai di lelewek Desa Cilame. Dipungkas ngariung di Kalang Pamidangan, Ahad, 3 Desember 2023.
Ketua Karang Taruna Andes, Gilang dibarengan Ketua Panitia Pelaksana A Cahyadi nyebutkeun, Ieu kagiatan diiluan ku 500 urang ti dua desa, Desa Cilame jeung Desa Buninagara Kecamatan Kutawaringin.
Biaya jeung saniskara hadiah tina aspirasi Wakil Ketua Komisi X DPR RI, Dede Yusuf Macan Effendi, nu ogè hadir dina kagiatan bieu, dibarengan Hailuki, Ketua Rumah Aspirasi Rancage, anggota DPR RI Dede Yusuf.
Baca Juga: Dialog Capres 2024 jeung PWI, Anies Baswedan: ‘Tong Méré Dahareun ka Buzzer’
Hailuki nu ogè calon anggota DPRD Kabupaten Bandung nètèlakeun Kementerian Pemuda dan Olahraga mibanda program Kegiatan Gebyar Olahraga liwat aspirasi anggota Komisi X DPR RI Dede Yusuf.
"Kagiatan dinten ieu , jalan sehat ngarupikeun program aspirasi Pa Dede Yusuf, rukun damel sareng Karang Taruna Ades Desa Cilame," pokna.
Anggaran jeung hadiah kabeh oge tina aspirasi. "Simkuring ogè nyumbang, kitu deui Saeful Bahri, Penasehat Rumah Aspirasi ogè nyumbang," ceuk Hailuki dina lolongkrang acara.
Hailuki ngajelaskeun, dina Undang-Undang MPR/DPR jeung DPD, Rumah Aspirasi teh satuan unit bagèan DPR RI.
"Rumah Aspirasi teu tiasa leupas ti anggota DPR RI. Janten, anggota DPR RI wajib ngagaduhan Rumahn Aspirasi dina raraga ngajalankeun tupoksi anggota DPR RI, " pokna.*** Sopandi
