Network
GALURA.CO.ID- Bakal calon wakil presiden nu ogè Ketua Umum PKB Muhaimin Iskandar, ngaluuhan acara Halaqoh para Ajengan jeung Habaib di Kabupaten Bandung, di Hotel Sunshine Resort, Soreang, Kabupaten Bandung, Juma'ah 15 September 2023.
Satutas ngakhotibam solat Juma'ah di Masjid Agung Al Fathu, Soreang, Cak Imin hadir di stengahing para ajengan dibarengan pangurus pusat PKB, pengurus PKB Jabar katut Kabupaten Bandung, kaasup Ketua DPC PKB nu ogè Bupati Bandung Dadang Surpiatna.
Dina Ieu acara, Muhamin nyaritakeun kasang tukang maju bakal calon wakil presiden Anies Baswedan. Ceuk Muhaimin di ahir Agustus saniskara dinamika koalisi nerekab harita.
Baca Juga: Mapella Unla dina Mapeling Mahasiswa Anyar, Nyalametkeun nu Kapahung di Lante 6
Para ketua PKB ngariung di Jakarta. Danget harita dirina saparkanca nyawalakeun pamilihan legislatif hungkul, tapi cenah kawas cai ngamalir tuluy ngagulidag jangji ulama- ulama diibaratkeun cai ulah ngeuyeumbeu, ulah tepi ka jadi bau.
Ku kituna, sagancangna sangkan cai teus ngamalir, jalur cai panghadèna pikeun bangsa Indonesia nu ' baldatun thayyibatun wa rabbun ghofur (hiji nagari nu ngumpulkeun kahadèan alam jeung kahadèan laku wargana)'.
Nurutkeun Muhaimin, kana sataun ka tukang para habib ngariung di Jakarta kaasup dirina jeung Anies Baswedan, katut Yusuf Kalla ogè hadir, ngasoakeun dirina (Cak Imin) sangkan jadi pamingpin.
Malahan, Cak Imin ngungkabkeun munseug dirina geus diparèntah Kiayi Kholl As’Ads (putra salah sahiji nu ngadegkeun NU) sangkan marengan Anies Baswedan, etabtèh ti 2021.
Baca Juga: Harepan Muhaimin Marengan Anies di Pilpres 2024 Disaluyuan ku PKS Tinekanan
