Network
GALURA.CO.ID -Diadegkeunana Politeknik Manufaktur (Polman) II di Kabupaten Majalengka dipiharep mampu ngaronjatkeun partisipasi siswa neruskeun kuliah di paguron luhur.
Kitu ceuk Kepala Dinas Pendidikan (Kadisdik) Jabar Wahyu Mijaya dina Rapat Koordinasi Pembangunan Polman II di Hotel Horison Ultima Kertajati Kabupaten Majalengka (12/01/2024).
Kadisdik Jabar nyebutkeun Pemprov Jabar ngarojong pangawangunan Polman II. Di antarana keur nambahan kompetensi kaahlian anyar di SMK pikeun nunjel Metropolitan Rebana sarta nyadiakeun beasiswa keur siswa di daerah satempat.
Baca Juga: 123 Guru di Kuningan Nyandang Predikat Guru Penggerak
Pj Bupati Majalengka, Dedi Supandi oge miharep diadegkeunana Polman II nguatkeun Kabupaten Majalengka keur jadi kota industri sarta ngalahirkeun sumber daya manusa nu siap jadi tenaga kerja ahli.
“Simkuring miharep, engkena industri datang ka Polman nengetan potensi jeung ngarekrut para mahasiswa nu sakeudeung deui tamat,” pokna.
Ieu rapat diluuhan ku Asisten Deputi Infrastruktur Pengembangan Wilayah Kementerian Koordinator Bidang Kemaritiman dan Investasi Republik Indonesia, Djoko Hartoyo, Direktur Polman Bandung, Mohammad Nurdin jeung tamu ondangan lianna.***
