GALURA.CO.ID -Urang teu nanaon eleh dina kapintaran, tapi ulah tepi ka eleh dina kabijakan. Kitu ditepikeun ku Kadisdik Jawa Barat, Wahyu Mijaya dina Puncak Acara Perayaan Hari Guru Nasional jeung HUT ka-14 Ikatan Guru Indonesia (IGI) di Trans Studio Bandung, Ahad (17/12/2023).
Kadisdik nyebutkeun dunya terus-terusan nembongkeun parobahan. “Urang kudu mibanda kamampuhan adaptasi dina parobahan. Urang kudu bisa ngamangpaatkeun parobahan. Parobahan pasti bnakal terus lumangsung. Tinggal kumaha urang bisa adaptasi jeung diajar dina perobahan bieu," pokna.
Kadisdik nyutat amanat Ali bin Abi Thalib: "Didik anak aranjeun luyu jeung jamanna lantaran arinyana hirup di jaman arinyana lain di jaman aranjeun. Kadisdik ngajentrekeuun daek teu daek urang kudu terus diajar jeung nyaluyukeun kailmuan sangkan bisa ditransfer kalayan hade para siswa.
Pjs. Ketua Umum IGI, Jasmasyah nyebutkeun 14 taun IGI terus bajuang keur guru-guru Indonesia. Inyana umajak ka sakumna guru di Indonesia sangkan henteu eureun diajar. Ketua IGI Wilayah Jabar, Anwar Sanusi nyebutkeun anggota IGI pantrang ngangluh, pantrang milampah hal-hal nu taya mangpaatna.***