Rektor: Lulusan ISBI Bandung Henteu Madesu

GALURA.CO.ID – Rektor Institut Seni Budaya Indonesia (ISBI) Bandung nyebutkeun lulusan ISBI ayeuna mah henteu madesu (masa depan suram)  lantaran rea garapan, boh mandiri boh rukun gawe jeung pihak sejen.

Wisuda  gelombang II  anu lumangsung  di  Gedung Kesenian Sunan Ambu, kampus ISBI  Jalan Buah Batu nomer 212 Bandung, (9/12/ 2023) diiluan ku 157 urang lulusan ti Program Diploma, Sarjana, Sarjana Terapan jeung Pascasarjana.

Ngawengku  3 wisuda­wan ti Prodi Seni Tari (2 Seni tari –S1 jeung Tari Sunda DIV),  30 wisudawan ti Ju­rusan Karawitan (S1), 17 wi­sudawan Jurusan Seni Te­ater (S1), 13 Jurusan Ang­klung & Musik Bambu (DIV), 1 wisudawan ti Jurus­an Seni Rupa Murni (S1), 4 Wisudawan Jurusan Tata Rias & Busana (DIV).

Baca Juga: SDN 220 Gumuruh Kota Bandung Gelar Karya Siswa Program P5

Anu sejenna, 1 wisudawan ti Jurusan Kriya Seni (D III) ), 50 wisudawan ti Jurusan  Antropologi Buda­ya, jeung 33 wisudawan ti Jurusan Televisi & Film (DIV), sarta 5 wisudawan  ti Jurusan Penciptaan  & Peng­kajian Seni (S2).

Lulusan anu diwisuda harita  loba  oge anu punjul In­deks Prestasi Komulatif –na (IPK): Prediket Sangat Memuaskan 134 urang (85,4%), prediket Pujian 20 urang (12,7%), jeung pre­diket Memuaskan 3 urang(1, 9%).

Prestasi  pangpunjulna di­raeh ku: Siti Ayu Lestari, S.Sos (NIM 193232036) prediket Cumlaude (IPK 3,98), lila kuliah 8 semester, ti Jurusan Antropologi Bu­daya - FBM; Azis Nursoleh, S.Sn (191232037), IPK 3,93 – 8 semester, Jurusan Karawitan- FSP, Fatima­tuz­zahro.S.Tr.Sn,  (192323031), IPK 3,84 – 8 semester ti Jurusan Tata Rias & Busana –FSRD, sarta Program Ma­gister (S2) diraeh ku  Teguh Agus Priyanto, S.Sn., M.Sn, (19414014) –IPK 3,73,  Jurusan  Penciptaan  & Pengkajian Seni-Pascasarna ISBI Bandung.

Rektor ISBI Bandung, Dr. Retno Dimarwati, S.Sen., M.Hum rengse ngistrenan wi­sudawan meupeujeuhan sang­kan para lulusan  optimis dina nyanghareupan ka­hirupan anu sanyatana di ma­sarakat, lantaran geus di­bekelan ku elmu pangawe­ruh (seni-budaya). Moal samata-mata pamarentah ngadegkeun paguron luhur (seni) lamun taya mangpaat jeung saluranana.

Baca Juga: Prestasi Siswa Madrasah Al-Haq Kabupaten Bandung aya nu Tingkat Internasional