Network
GALURA-Poe Saptu, 20 Januari 2024, pikeun guru-guru anu milu pendidikan guru penggerak di Kabupaten Kuningan, bisa jadi poe anu kebek ku kabungah.
Teu rek bungah kumaha, ku sabab rengse ngalakonan pendidikan guru penggerak tea. Diistrenan di Aula SMKN 1 Kuningan, lelewek Kelurahan Sukamulya, Kecamatan Cigugur, Kabupaten Kuningan, Poe Saptu, 20 Januari 2023.
Eta acara diluuhan ku Kepala Balai Besar Guru Penggerak Provinsi Jawa Barat, Mohamad Hartono, Penjabat Bupati Kuningan, Iip Hidajat, Kadisdikbud Kabupaten Kuningan, U. Kusmana jeung Ketua Dewan Pendidikan Kabupaten Kuningan, Murja.
Baca Juga: 123 Calon Guru Penggerak Miluan Lokakarya
Kepala Dinas Pendidikan dan Kebudayaan Kabupaten Kuningan, U. Kusmana, S.Sos, M.Si nyebutkeun salila 6 bulan aya 123 guru di Kabupaten Kuningan anu milu pendidikan guru penggerak, lulus 100 persen.
Ceuk U. Kusmana, satuluyna, tina jumlah guru anu milu pendidikan guru penggerak, ti antarana 10 urang guru TK, 55 guru SD, 32 guru SMP, 13 urang guru SMA jeung 13 guru SMK.
U. Kusmana netelakeun, ngeunaan kalulusan eta dumasar kaputusan Kementerian Pendidikan Kebudayaan, Riset dan Teknologi Direktorat Jenderal Guru dan Tenaga Kependidikan Nomer 7667/B.B3/GT.03.00/2023, Tanggal 21 Desember 2023, ngeunaan pangumuman kalulusan pendidikan guru penggerak angkatan 8.
Guru penggerak di Kabupaten Kuningan, ceuk U. Kusmana, kadua pangreana di Jawa Barat. Diharepkeun jadi agen parobahan dina enggoning leuwih ngamajukeun pendidikan di ieu daerah.
“Guru penggerak sing janten kakiatan kanggo kamajengan pendidikan di Kabupaten Kuningan, janten agen parobahan boh di lingkungan sakola sewang-sewangan boh di Kabupaten Kuningan,” ceuk U. Kusmana.
Penjabat Bupati Kuningan, Dr. Drs. H. R. Iip Hidajat, M.Pd, nyebutkeun pikeun Kabupaten Kuningan, guru penggerak minangka prestasi, lantaran miboga sumberdaya anu bisa diandelkeun.
