Wisuda ka-41 LPP Aryanti Siswana Loba nu geus DIgarawe Memeh Diwisuda

GALURA.CO.ID -Lembaga Pendidikan dan Pelatihan (LPP) Ari­yanti dina awal taun 2024 ngawisuda para lulusanna. Acara “Wisuda ke-41 & Pele­pasan Calon Tenaga Ker­ja” lumangsung di Har­ris Hotel & Conventions Fes­tival Citylink Bandung, Jalan Peta no.241 Kota Ban­dung, Rebo (10/1/2024).

Anu diwisuda aya 1.085 lu­lusan ngawengku: Prog­ram Satu Tahun, 85 lulusan; Program Kewanitaan, 206 lulusan; Program Pelatihan (in house training), 467 lulusan; Program Pendidik­an Kecakapan Wirausaha, 75 lulusan; Program Pela­tihan Kompetensi, 40 lulus­an, jeung; Program One Day Cooking Class, 212 lulusan.

Tina sajumlah wisuda­wan  anu diistrenan harita aya sababaraaha urang Wi­su­da­wan  Pinunjul (Terba­ik):  Mega Nabila Fitrian ti Ju­rusan Komputer Akun­tansi IPK/Yudisium 3.93, Kemala Hayati Sudrajat ti Jurusan Administrasi Per­kan­toran  IPK/Yudisium  3,87,  Elvira Shafira Rosa ti Ju­rusan Perhotelan  IPK/ Yudisium 3.81,  jeung Fid­yani Azzahra ti Jurusan Sek­retaris, yudisium 3.55.

Baca Juga: Calakan, Bal Elastis tina balon

Lian ti eta aya Siwa Terbaik ASTC: Triyani ti  Ta­ta Kecantikan Rambut, Gina Agnitia (Tata Kecan­tikan Kulit), Tiara Anjelina (Tata Rias Pengantin), jeung Alifia Dzikrul Fadilah (Tata Busana).

Rawuh dina acara wisuda harita, Kepala Disnaker Ko­ta Bandung H. Andri Da­rusman, M.Si, jeung  Badan Pengurus Yayasan Pendi­dik­an Ariyanti,  Jaja­ran Pim­pinan LPP Ariyanti  sar­ta tenaga pendidik jeung Staf  oge perwakilan ti Dinas Tenaga Kerja Provinsi Jawa Barat, wawakil Instansi & Pe­rusahaan, Perwakilan SMA- SMK, sarta kulawarga wisudawan.

Direktur LPP Ariyanti, Ishviastuti Oskar, S.E.,  nyebutkeun geus jadi hiji kawajiban Ariyanti medalkeun pa­ra lulusanna anu siap ga­we atawa usaha, boga sikep jeung tangtungan, sarta di­bekelan pangaweruh  unggul sangkan bisa gancang di­gawe dina heureutna la­pang­an kerja mangsa kiwa­ri.Alhasil para lulusanna mangsa hareupna cangra.

“Anu janten reueus mah seueur siswa LPP Ariyanti a­nu ditawisan damel  di in­stansi pamarentah sareng swasta sateuacanna  lulus, sareng tiasa muka usaha nyalira, “ ceuk Ishvi. Inyana cumeluk,  sangkan para  alum­ni teu poho ka almamaterna,  nalika geus sukses bisa  ngabantuan adi kelasna  mere sumanget jeung nu­runkeun elmu suksesna.

Baca Juga: Kadisdik Jabar: Kudu Adaptasi Kana Parobahan