Network
GALURA-Fakultas Ilmu Komputer Universitas Kuningan (FKom Uniku), rengse ngayakeun acara Uniku Festival 2023. Eta acara lumangsung ti mimiti tanggal 13-16 November 2023, diayakeun sacara kolaboratif antara organisasi kamahasiswaan, fakultas, jeung program studi di lingkungan fakultas.
Ketua Umum Fkom Uniku Festival 2023, Azhar Natsir Ahdiyat, S.Pd., M.Ds., nyebutkeun eta acara diantarana seminar nasional, kompetisi bidang teknologi informasi jeung desain, pameran, jeung bazar e-sport competition.
Samemehna, ceuk Azhar, ngayakeun seminar nasional anu jejerna Digital Landscape of Tomorrow, Menyiapkan Talenta Digital Menuju Dunia Kerja dan Industri Masa Depan, lumangsung di Gedong.
Sajaba ti eta, ceuk Azhar, dina Fkom Festival 2023, ngayakeun sababaraha kajian konten diantarana ICT & Design Competition, E-Sport Competition, Exhibition & Open House, Bazar Kreatif & Kuliner, Fkom Talk, Open Stage & Open Mic Standup Comedy, Awarding Day jeung Closing Night.
Rektor Uniku, Dr. H. Dikdik Harjadi, M.Si., reueus ku sabab eta kagiatan mayeng diayakeun saban taun ku Fkom Uniku, bisa meungkeut rukun gawe henteu semet reujeung pihak lingkungan kampus, tapi oge pihak luar.
“Kamekaran teknologi mingkin maju, tangtos peryogi nataharkeun talenta-talenta digital kanggo ancrub di dunya industri kapayunna,” ceuk Dikdik.***
