Bewara tina Naskah Bujangga Manik, Tetela Akurat, salasahijina Kumitir Tembok Benteng Karaton Mapajahit

GALURA.CO.ID -Naskah Bujangga Manik, titinggal ahir abad ka-15 atawa awl abad k1-6  nyaritakeun  pangeran Paja­jaran, Jaya Pakuan, dua kali ngurilingan Pulo Jawa, nu kadua mah tepi Bali. Lalampahanana teh keur leuwih ngantebkeun spiritualna diarimeutan ku urang Jawa, babakuna ku urang Jawa Timur. Kituna teh lantaran Bujangga Manik wak­tu di Jawa Timur nyabit ngeunaan puseur dayeuh Majapahit.

Bujangga Manik nulis dirina leumpang di beulah wetan, mapay sisi tembok karaton, ti Desa Kumitir tepi ka Lemah Surat. Be­wara ti Bujangga Manik teh leuwih ngalengkepan tembok benteng karaton Ma­japahit. Mpu Prapanca dina kakawin Negara Kertagama (1365) medar soal ieu: tembok bata beureum ngurilingan karaton.

Tukang ngalalana bangsa Tionghoa Ma Huan di­na bukuna Ying Yai Sheng Lan (1416), nulis istana raja di kota Man Che Po I (Majapahit) dikurilingan tembok bata beureum nu luhurna 3 Zhang (Chang), gapurana, lawang asupna, ngajajar dua, kaayaanana ag­reng. Ceuk Mpu Pra­panca, dijieun tina beusi nu diukir, ngaranna pura Waktra.

Baca Juga: Naskah Bujangga Manik, Kapanggih ti Kawali Ciamis, Penting keur Nalungtik Sejarah jeung Toponomi Pulo Jawa

Bewara ti Mpu Pra­panca, ti Ma Huan jeung ti Bujangga Manik teh ti baheula diteteangan ku pa­ra ahli purbakala nu na­lungtik Tro Wulan, di antarana Raffles (1915), Verbeek (1887), Krom (1923), Maclaine Pont (1924), Stutterheim (1941) Da­mais (1952), Kozo Nakada (1982), Muller (1978), Satari (1980), jeung Mundardjito (1998).

Para ahli purbakala pa­nasaraneun lantaran dina naskah Bujangga Manik disebutkeun ngaran tempatna sacara jentre:  Ku­mitir. Beda jeung bewara ti Mpu Prapanca jeung ti Ma Huan nu teu nyebutkeun ngaran tempat. Kumitir tepi ka danget ieu dipake keneh, jadi ngaran desa: Desa Kumitir, Kecamatan Jatirejo, Kabupaten Mojo­kerto, Jawa Timur.

Anyar-anyar ieu di Lembur Bendo, Desa Ku­mitir, kapanggih tembok kandel dijieun tina bata beureum, kakubur nu je­rona sameter. Anu ni­mu­keunana tukang nyieunan bata beureum, ngali tanah di dinya keur bahan nyieun bata. Tembok kuno bieu perenahna kurang leuwih lima kilometer ti situs sejarah balong Segaran.

Ku kapanggihna tembok nu diduga titinggal Maja­pahit beuki nguatkeun in­formasi ti naskah Bu­jangga Manik teh akurat. Bujangga Manik nyebutan ngaran tempat jeung kaayaan kalayan gemet jeung luyu jeung kanyataanana. Han­ja­kalna, di urang, tacan aya panalungtikan nu gemet ngeunaan topografi di Tatar Sunda dumasar naskah Bujangga Manik.***