Network
GALURA -Karajaan Rajagaluh nu diadegkeun ku Dewa Niskala diungkab dina Babad Cirebon jaman rajana Prabu Cakraningrat, pedah hese ditalukeun ku Cirebon tepi ka Cirebon kudu nyieun reka perdaya.
Ku kituna ti jaman Dewa Niskala tepi ka jaman Prabu Cakraningrat, Karajaan Rajagaluh bisa disebutkeun leungiteun laratanana. Bisa jadi sabada Prabu Cakraningkat aya nu nuluykeun ngan teu kacaturkeun saha-sahana.
Kuncen Leuweung Pajajar, Ade Priatna nyebutkeun Karajaan Rajagaluh nu diadegkeun ku Dewa Niskala teh lain dongeng. Prabu Cakraningkrat, salahsahiji raja Karajaan Rajagaluh.
Baca Juga: Karajaan Rajagaluh Diadegkeun ku Dewa Niskala, Raja Manten di Karajaan Galuh
“Karajaan Rajagaluh pernah ngadeg, pernah nanjung, malih janten bebenteng Pajajaran, mung karatonna sanes di dieu, sanes di Leuweung Pajajaran. Leuweung Pajajaran mah tempat nyepi, tempat niis,” ceuk Ade Praitna.
Ceuk Ade Priatna, karaton Karajaan Rajagaluh teh di tempat nu ayeuna dipake terminal jeung pasar Rajagaluh nu kaasup ka Desa Rajagaluhlor.
“Waktos ngadamel terminal sareng pasar, kapendak batu-batu nu sigana mah titinggal jaman kapungkur. Hanjakalna, taya nu haat nalungtik. Duka dikamanakeun batu-batuna, “pokna deui.
Katerangan ti Ade Priatna, ditambah ku tradisi lisan masarakat Rajagaluh, saenyana mah teu bisa dibaekeun kitu wae. Di nagara-nagara Barat, tradisi lisan dianggap inpormasi awal.
Baca Juga: Cianjur Kungsi Jadi Puseur Kopi di Priangan Nalika Dipupuhuan ku Bupati Aria Wiratanu
