GALURA.CO.ID -Museum Transportasi dikokolakeun ku Kementerian Perhubungan, pernahna di Taman Mini Indonesia Indah (TMII) Jakarta.
Museum Transportasi mimiti dibangun tanggal 14 Februari 1984 sarta anu ngamimitian nancebkeun tihang pancangna Ibu Tien Soeharto. Museum Transportasi diresmikeun ku Presiden Soeharto.
Legana Museum Transportasi 6, 25 hektar nu ngawengku ruang pamer indoor (di ruangan) jeung outdoor (di luar ruangan).
Baca Juga: Karamat Talun Kabupaten Cirebon Patilasan Pangeran Cakrabuana Mbah Kuwu Sangkan
Maksud diadegkeunana Museum Transpotasi teh keur ngumpulkeun, ngarumat, nalungtik, sarta mamerkeun bukti-bukti sejarah jeung kamekaran ransportasi di Indonesia.
Salain ti pameran nu permanen, Museum Tranfortasi ngagelar pameran temporer, pameran nu digelar sawaktu-waktu, iraha-irahana henteu maneuh.
Pameran temporer mibanda ruang sorangan nu pernahna di Anjungan Pusat. Upamana Pameran Riwayat Si Ular Besi, Sejarah Transportasi di DKI Jakarta jeung sajabana.
Museum Transportasi salasahiji museum di TMII nu loba nu wisatawanna. Senin tepi ka Jumaah lolobana rombongan barudak sakola. Saptu jeung Ahad biasana nu datang teh sorangan-sorangan, pasangan, atawa kulawarga.
Baca Juga: Resto Kampoeng Banyumili, Kampung Rasa Sunda di Tanah Jawa
Barang koleksi jeung infrastruktur bangunan ngalanatarankeun Museum Transportasi dijadikeun spotfotografi, mindeng dipake coaching clinic fotografer.
Pameran di jero ruangan dibagi dina sababaraha ruangan nu dijieun kawas bangunan sorangan, disebut modul. Di dieu aya modul pusat, modul darat, modul laut, jeung modul udara. Aya nu benda asli, tiruan, miniatur, foto, jeung diorama.
Modul pusat ngagambarkeun transportasi tradisional nu dipake jaman baheula, ngawengku transportasi darat jeung laut ti bagai daerah di Indonesia.
Alat transportasina aya nu ngagunakeun tanaga manusa, sato, jeung angina. Di antarana cikar, andong, bendi, beca, jeung parahu layar.
Modul darat ngambarkeun transportasi darat, ngawengku transportasi jalan raya, jalan baja, walungan, situ, jeung keur meuntas.
Transportasi geus ngagunakeun mesin. Upamana cikar DAMRI, armada munggaran DAMRI nu dina mangsa perang kamerdekaan taun 1946 dipake ngangkut logistik militer di wilayah Surabaya jeung Mojokerto.
Modul laut menggambarkan alat transportasi laut nu geus ngagunakeun mesin. Ngawengku rupa-rupa kapal panumpang, container, dok nu ngapung, sarta pakakasa keur ngadeudeulna.
Dilengkepan ku pedaran teknologi kelautan, prasarana jeung sajabana.
Modul udara ngambarkeun transportasi udara serta kamekaran jeung teknologi transportasi udara. Ngawengku kapal udara, alat transportasi udara, jeung bandar udara.
Pameran luar statis nembongkeun sababarha jenis lokomotif generasi munggaran Perusahaan Kereta Api Indonesia, kaasup rel kereta api jeung terowongan, Kereta Api Luar Biasa (KLB) nu digunakeun ku Presiden jeung Wakil Presiden Rl Soekarno-Hatta waktu Pemerintah RI hijrah ti Jakarta ka Yogyakarta.
Beus nu kungsi dioperasikeun di Indonesia, sarta kapal udara jenis DC-9 PK-GNT milik Garuda Indonesia nu ngungsi ngaladenan penerbangan ka negara-negara Asean jeung Australia.
Di sagigireun eta aya lokomotif kereta jeung gerbong kai, dua, anu ditujukeun keur hiburan warga nu arulin ka Museum Transportasi.***