Network
GALURA. CO.ID- Bupati Bandung, Dadang Supriatna ngalaksanakeun Rembug Bedas di tilu desa; Desa Nagreg Kecamatan Nagreg, Desa Waluya Kecamatan Cicalengka, jeung Kelurahan Rancaekek Kencana Kecamatan Rancaekek, Kemis (05/10/2023).
Dadang Supriatna balaka, inyana jeung rèngrèngan Organisasi Perangkat Daerah (OPD) Kabupaten Bandung turun ka lapangan hayang nitènan langsung kaayaan nu kaalaman ku masarakat.
Di Desa Nagreg Dadang Supriatna masrahkeun bantuan Rp100 juta keur pangwangunan lapangan Desa Nagreg nu katitèn can rèngsè
Baca Juga: Bupati Bandung Ngukuhkeun Kampung Siaga Bencana: Urang Kudu Siap Nyanghareupan Bencana
Dadang Supriatna ogè ngèlingan ka aparatur desa, Ketua RW, jeung Ketua RT, dirina embung ngadèngè aya warga nu kalaparan sabab teu boga pangan atawa sembako.
"Ka kepala desa mugi nyayagikeun kaperyogian pangan di saban desa ngalangkungan musawarah desa (musdes). Di sabam desa tiasa nyiapkeun sakirangna sakuintal beas atanapi sembako," ceuk Bupati Bandung.
Dadang Supriatna ogè ngaapresiasi antusias masarakat nu milu program Besti (Beasiswa ti Bupati). Dina taun 2022, ceuk Dadang aya 1.228 urang nu daftar program Besti, tapi nu ditarima ngan 80 urang kalawan anggaran Rp4 miliar.
Dina taun 2023 kana 3.101 urang nu daftar, nu ditarima 125 urang kalawan anggaran Rp 5 miliar.
Baca Juga: Nyangku taun 2023, Wisata Budaya di Ciamis, Aya Atraksi Debus
