Network
GALURA.CO.ID - Bupati Bandung Dadang Supriatna ngarotasi lima pejabat tinggi pratama (eselon II) di wewengkon Pemerintah Kabupaten Bandung. Nyumpah jeung ngistrènan pajabat bieu lumangsung di Gedung Mohammad Toha, Komplek Pemkab Bandung, Rebo (04/10/2023).
Eta lima pejabat eselon II ukur dirotasi atawa dimutasi jabatan. Ngan pikeun jabatan administrasi di eselon III jeung IV sabagèan ngalaman rotasi atawa mutasi. Aya ogè nu meunang promosi jabatan.
Pajabat nu dimutasi di antarana: Adjat Sudrajat nu samèmèhna nyangking Kepala Satuan Polisi Pamong Praja (Kasatpol PP) tukeuran jeung Mochammad Usman nu asalna nyangking jabatan Staf Ahli Bidang Pemerintahan, Hukum dan Politik.
Baca Juga: Pakena Gawe Rayahu, Pakeun Heubeul Jaya di Buana, Hasil Revitalisasi Alun-Alun Ciamis
Patukeur korsi jabatan ogè dialaman ku Iman Irianto nu samèmèhna nyangking Kepala Dinas Perhubungan (Kadishub), patukeur jeung Hilman Kadar nu asalna nyangking jabatan Kepala Dinas Pemadam Kebakaran (Damkar).
Mun Kepala Dinas Kesehatan (Kadinkes) dr Yuli Ernawati nu samèmèhna ngajabat Direktur RSUD Bedas Majalaya jadi Kepala Dinas Kesehatan (Kadinkes) Kabupaten Bandung.
Iwal ti ngalantik jeung sumpah lima Pejabat Tinggi Pratama, Dadang Supriatna ogè ngistrenan tur nyumpah 815 pejabat administrasi nu pajabat eselon III katut pejabat eselon IV bo nu tugas di sajumlah OPD Pemkab Bandung boh nu tugas di 31 pamarintah kecamatan.
"Simkuring meredih supados sakumna jajaran ASN paham kana tupoksi sèwang-sèwangan. Tingkatkeun kinerja jeung ngalakukeu inovasi turta torobosan-torobosan pikeun karaharjaan masarakat Kabupaten Bandung," ceuk Bupati Bandung di sahareupan 820 pajabat nu diistrènan.*** Sopandi
