Network
GALURA.CO.ID- -Paguyuban Seniman dan Budayawan Bandung (Pasebban) ngayakeun musyawarah kerja (Musker) di Twins Bakery and Coffee, Kecamatan Cangkuang, Salasa (03/ 10/2023).
Musker dibuka ku Kepala Dinas Kebudayaan dan Pariwisata (Disbudpar) Kabupaten Bandung H. Wawan A. Ridwan. Dina ieu kagiatan, pangurus Pasebban Kabupaten Bandung, ngahadirkeun pangurus Pasebban Kecamatan sakabupaten Bandung.
Ketua Panitia Musker Haji Adang Sutardi SH MH. nyebutkeun, kana 150 aub dina musker teh. "Simkuring sakanca ngulem para ketua sareng sekretaris Pasebban kecamatan katut para Kasisosbud Kecamatan sa Kabupaten Bandung, " ceuk H. Adang Sutardi.
Baca Juga: Ngalanto ka Kabupaten Bandung, SBY: Taya nu Robah ti Demokrat Najan dina Koalisi Indonesia Maju
Ketua Umum Pasebban Kabupaten Bandung Dani S. Martadinata nètèlakeun Musker jadi agenda penting kapangurusan Pasebban.
"Dina Musker pangurus Pasebban Kabupaten Bandung ngabagi dua komisi; Komisi I dipimpin H. Adang Sutardi ngabahas Anggaran Dasar dan Anggaran Rmah Tangga (AD/ART) Pasebban. Ari komisi II dipimpin simkuring ngabahas program Pasebban ka payunna, " ceuk Dani.
Ieu seniman asal Baleendah Barata Sena nètèlakeun sangka satiap kagiatan Pasebban diekspose media sosial.
"Saèna kagiatan sapertos kieu ngalibetkeun media sareng para inflencer media sosial atawa youtuber. Samalih aya nu namina KIM nu tiasa nyebarkeun kagiatan liwat media sosial, " ceuk
Batara Sena nu ogè kulawarga dalang Giri Harja teh.
Prabu, Ketua Galura Putra Sadu miharep program Pasebban kudu leuwih asak satutas Musker. "Musker ngahasilkeun program punjul Pasebban ka payunna. Mugia program ieu saluyu program sareng visi misi Bupati Bandung Bedas, " pokna. *** Sopandi
