Network
GALURA.CO.ID -Ketua Muhammadiyah Kabupaten Ciamis manten nu oge dosen Stikes Muhammadiyah Ciamis, Dr.KH Iif Taufiq El Haque, S.Kep., Ners., MH.Kes, nyebutkeun urang dina ngabela Palestina kudu dumasar agama jeung kemanusiaan.
"Dumasar agama margi urang Palestina teh agamana Islam, sareng sasama kaum muslim teh dulur," pokna ka Galura sarengsena ceramah dina muludan di Desa Selacai, Kecamatan Cipaku Kabupaten Ciamis, Jawa Barat, Ahad, 15 Oktober 2023.
Lian ti eta dina agama Islam anu ngaranna kolonialisme atawa penjajahan, dina bentuk naon, wae kudu dileungitkeun. Nu matak kaharti nu merjuangkeun jeung mertahankeun kemerdekaan RI teh lolobana kaum muslim nu ngagedurkeun perang jihad.
Baca Juga: Karaton Sukapura Kari Waasna, nu Bisa Cumarita Ukur Museum Alit Luluhur Sukapura
Ceuk Dr.KH Iif Taufik, umat Islam kudu milu merjuangkeun hiji bangsa nu keur dina kaayaan dijajah sangkan merdeka bari teu mandang naon agama nu dianut ku eta bangsa. Islam nu mahing pisan ayana kolonialisme dikotretkeun dina Pembukaan UUD 1945.
Tina kituna urang, ceuk Dr.KH Iif Taufik dina ngabela Palestina oge kudu dumasar kemanusiaan jeung cecekelanana sikap bangsa urang dina hal kolonialisme nu geus dinatratkeun dina Pembukaan UUD 1945. Kamerdekaan teh hak sakabeh bangsa.
"Jadi negara non blok, nagara urang kudu tohtohan sangkan Palestina jadi nagara merdeka," pokna. Palestina ulah tepi ka dikakaya ku Israel. Komo deui Palestina teh nagara munggaran nu ngaku kana kamerdekaan nagara urang.
Pikeun ngabantuan Palestina, Muhammadiyah ngiangkeun bantuan kamanusiaan ka Palestina. "Ieu bentuk solidaritas bangsa urang ka bangsa Palestina," pokna.***
