GALURA.CO.ID -Menteri Agraria dan Tata Ruang Kepala Badan Pertanahan Nasional (ATR BPN). ATR BPN, Hadi Tjahjanto, Kemis (12/10/2023) di Desa Muktisari Kecamatan Cipaku masrahkeun 405 sertifikat redistribusi tanah Ex PT. Maloya.
Kabupaten Ciamis teh jadi salasahiji daerah prioritas program Tanah Objek Reforma Agraria (TORA) Kementerian ATR BPN. Nu matak Menteri ATE BPN datang langsung ka Kabupaten Ciamis pikeun masrahkeun sertifikat.
Menteri ATR BPN nyebutkeun ku ayana sertifikat masarakat nu mibanda jeung ngolah lahan urut perkebunan PT Maloya mibanda kapastian hukum hak kepemilikan tanah.
Dikaluarkeunana sertifikat tanah sangkan patani,, buruh tani, pamayang (nelayan) gumbira ku ayana reforma agraria. “Simkuring yakin ku reforma agraria para patani raharja,” ceuk Menteri ATR BPN.
Bupati Ciamis nyebutkeun program TORA teh bentuk nyata merhatikeunana pamarentah ka masarakat dina lebah legalitas lahan nu dibandana. Bupati yakin ku ayana sertifikat masarakat jadi leuwih raharja.
Ceuk Bupati Ciamis, ku kaluarna sertifikat dipiharep bisa nambahan kabarokahan jeung manpaat keur masarakat di Kabupaten Ciamis, hususna ka masarakat Desa Muktisari .
“Rengsena pasualan Maloya insyallah Kabupaten Ciamis mingkin aman jeung kondusif, cita-cita urang sakumna patani raharja ngawujud,” pokna.***