Network
GALURA.CO. ID -Jumaah (28/06/2024) para kyai nu ngagabung dina organisasi Forum Pemberdayaan Pesantren dan Umat (FPPU) Jabar ngagelar Khotmul Qur'an. Acara dimimitian jam 20.00 WIB make zoom meeting.
Diluuhan ku Pembina FPPU Jabar, KH Chatimul Banin Muchyidin; Ketua Umum, KH Arie Gifary; Bendahara Umum; KH. Dadih Abdurahman; Sekretaris Umum, KH Asep Sunarya jeung para ketua korda kabupaten kota sajabar, pasantren jeung santri di Jawa Barat.
Ceuk KH Asep Sunarya, S.Pd., M.Pd.I, acara Khotmul Qur'an udaganana dina raraga neneda ka Allah SWT, ngageterkeun Arasy ku doa-doana para kyai jeung santri, supadaya pilkada Jabar, kabupaten jeung kota lumangsung lungsar-langsar sarta maslahat keur sakumna umat.
Pembina FPPU Jabar KH Chatimul Banin Muhyidin nyebutkeun dalapan kelompok kyai ustadz ustadzah nu unggal kelompok jumlahna 30 urang jeung 7 pasantren miluan khotam qur’an, jadi aya 15 kelompok nu miluan khotam qur’an.
"Tujuan acara Khatmul Qur’an kanggo ngahontal ridho Ilahi ku cara maca kalam suciNa sarta neneda barokahNa ku dikabulkeunana dua urang babarengan. Dua urang nu utama mudah-mudahan Allah SWT maparin ampunan ka urang sadaya sarta maparin rahmat sareng hidayahNa,” pokna.
Mairan Ketua FPPU Kota Bogor nyebutkeun Khatmul Qur’an teh nata niay, naek jalur langit, ngageterkeun Arsy sangkan doa urang dikabul.
Khotmul Qur'an lumangsung salila 3 jam, diiluan ku 210 kiyai jeung ratusan santri. “Mudah-mudahan pilkada lumangsung lungsur-langsar jeung maslahat keur umat di Jawa Barat.***
