Network
GALURA.CO.ID -Jumaah, 12 April 2024, digelar sharing Beasiswa Literasi, Kerelawanan dan Regenerasi Komunitas Gada Membaca, bareng jeung Kang Hikmat Kurnia, Founder Kelompok Agromedia, Ketua Ikatan Penerbit Indonesia (IKAPI) DKI Jakarta, jeung Ketua IKA UNPAD (2016 - 2020), katut Wiwiek Dahlan.
Waktu sharing, Kang Hikmat nyebutkeun Komunitas Gada Membaca ka hareupna mampuh nyadiakeun beasiswa literasi, boh keur anggota boh keur relawan nu rajin maca, sarta siap ngabdi di Gada Membaca.
Beasiswa literasi tujuanana keur ngabantu waragad atikan keur masarakat nu bener-bener merelukeun. Saratna: anggota Komunitas Gada Membaca, aktif maca jeung nginjeum buku sarta mibanda tanggung jawab keur ngabdi di komunitas, jeung sajabana.
Baca Juga: Rest Area Komunitas Gada Membaca, Kawali Jalan Raya Ciamis-Cirebon; Wifi, Buku jeung Parahu Soang
Ieu program komitmen Gada Membaca nu ngaubkeun multi stakeholder nu gede perhatianana kana literasi. Anggota nu memang perlu dibantu bisa ngarasakeun mangpaat sacara nyata keur masarakat.
Salian ti eta, disawalakeun ngeunaan regenerasi jeung program sipatna kontinyu. Fokus utamana ajen kaihlasan keur sakumna nu aub.
Kang Hikmat oge nyebutkeun Gada Membaca perlu ngagelar agenda rutin boh taunan boh bulanan nu ngaubkeun penerbit, penulis jeung pihak sejenna.
“Perlu mastikeun program nu digelar titincakanana kabutuhan tepi ka dampakna positif nu signifikan keur komunitas jeung masarakat,” ceuk Kang Hikmat.*** Naufalia Qisthi, relawan Komunitas Gada Membaca.
