Network
GALURA.CO.ID -Komunitas Gada Membaca salila Bulan Suci Romadon 1445 H ngagelar rupa-rupa kagiatan nu ngaubkeun masarakat. Kagiatanana dingaranan Kampung Ramadhan 1445 H Komunitas Gada Membaca.
Kampung Ramadhan dipungkas Jumaah, 05 Aparil 2024, ngabagikeun hadiah jeung buka bareng. Diluuhan ku warga, anggota Komunitas Gada Membaca jeung pajabat ti Pemda Kabupaten Ciamis.
Najan Kampung Ramadhan 1445 geus rengse, tapi Komunitas Gada Membaca tetep haneuteun. Angger rea nu ka pabukon, maca jeung nginjeum buku, babakuna bari ngadagoan bedug magrib.
Baca Juga: Di Komunitas Gada Membaca Ciamis, Hadiah keur Anggota Pangaktifna Hayam Jago jeung Paket Sembako
Lian ti eta, Komunitas Gada Membaca nyadiakeun rest area. Anu marudik Lebaran 1445 H seug ngaliwat ka jalan raya Ciamis-Cirebon bisa reureuh di Komunitas Gada Membaca nu alamatna di Dusun Margajaya, Desa Winduraja, Kecamatan Kawali, Kabupaten Ciamis.
Fasilitas nu disadiakeun: mushola Al-Hikmah, toilet, pembalut darurat keur wanita, balsem, tolak angin jeung cai inuman kemasan. Bari reureuh, bisa ngaakses WiFi, Pojok Baca Digital, jeung buku.
Anu mawa barudak, barudakna bisa ulin parahu soang di balong, landeuheun pabukon Komunitas Gada Membaca. Teu jauh ti sisi Walungan Cimuntur.***
