Network
GALURA.CO.ID -Aat Atiwi (ibu rumah tangga), padumuk Dusun Pari, Desa Linggapura, Kecamatan Kawali, Kabupaten Ciamis teh anggota teladan Komunitas Gada Membaca.
Ibu Aat mibanda dua kartu anggota pabukon Gada Membaca. Hiji kartu anggota bisa nginjeum buku 5. Tina kituna sakali dating ka pabukon nginjeum bukuna 10. Ka pabukonna teh biasa dua mingu sakali.
Unggal bulan Romadon, saperti bulan Romadon 1445 ayeuna, Komunitas Gada Membaca maneuh ngapresiasi keur anggota paling aktif dina aplikasi SLiMS 9. Romadon taun ayeuna anu paling aktif teh Aat Atiwi.
Baca Juga: Gumebyarna Penutupan Kampung Ramadhan 1445 H di Komunitas Gada Membaca Kabupaten Ciamis
Ibu Aat meunang paket sembako dipasrahkeun waktu panutupan Kampung Ramadhan 1445 H anu diluuhan ku anggota jeung tamu ondangan sakalian jeung buka bareng (05/04/2024).
Sapti isuk-isuk (06/04/2024), Ibu Aat dianter ku bojona datang deui ka pabukon Komunitas Gada Membaca, mulangkeun buku jeung nginjeum deui buku. Ibu Aat Atiwi dileler hadian tambahan hayam jago nu beuratna 4 kilo.
Apresiasi ka anggota nu pangaktifna teh cara Gada Membaca nandeskeun pabukon atawa komunitas maca teh tempat nu pikaresepeun, nambah duduluran jeung bisa ngaronjatkeun pangaweruh, wawasan, luang keur ngaronjatkeun kualitas kahirupan.***
