Network
GALURA.CO.ID- Ketua KPU Kabupaten Bandung, Syam Zamiat Nursyamsy yakineun Rekapitulasi Hasil Pemilu 2024 tingkat Kabupaten Bandung moal rèngsè luyu jeung jadwal.
Aslana dijadwalkeun salila tilu poè , ti tanggal 1 tepi ka 3 Maret 2024 . Ngan, tug tepi ka poè ka-3, Ahad, , 3 Maret 2024 jam 18.10, ti 31 kecamatan masih nyesakeun 14 kecamatan.
Syam Zamiat nyebutkeun, ti poè munggaran rekapitulasi teu aya pasualan dina beubeunangan sora. "Tos clear, mung palebah administrasi wungkul, " pokna dina lolongkrang rekapitulasi di Hotel Sutan Raja Soreang, Ahad burit (03/02/2024).
Syam yakineun rekapitulasi bisa rèngsè Senen, 4 Maret 3024. "Simkuring yakin dugi ka enjing. Insya Alloh enjing dilaksnakeun deui. Insya Alloh rèngsé, " pokna nandeskeun.*** Sopandi
