Network
GALURA.CO.ID -Anggota Badan Pengawas Pemilihan Umum Republik Indonesia (Bawaslu RI), Totok Hariyono, kunjungan kerja (kunker) ka Sekretariat Panwaslu Kecamatan Cigasong, Kabupaten Majalengka.
Tumorjogna Totok nu oge Koordinator Divisi Penanganan dan Pelanggaran Pemilu Bawaslu RI dibageakeun ku Ketua Bawaslu Kabupaten Majalengka, Dede Rosada, anggota Bawaslu Majalengka Dardiri, Ayub Fahmi, Ketua Panwascam Cigasong, Jejep Falahul Alam, katut rengrengan stafna.
Rengse riungan, sakumna wartawan tumanya ngeunaan netralitas panyalagra Pemilu, Bawaslu, KPU, TNI, Polri, ASN, jeung kepala desa. Totok nyebutkeun, netralitas ASN, TNI-Polri pon kitu deui panyalagra Pemilu teh hal nu wajib dina ngajaga integritas Pemilu 2024.
Baca Juga: Kapolres Majalengka Mingpin Apel Pagi, keur Mapag Kasiapan Pemilu
Nalika ngarempak bakal disanksi luyu jeung palaturan. "ASN, TNI, Polri, kaancam sanksi mun kabuktian teu netral, di Pemilu 2024 " ceuk Totok, Ahad, 21 Januari 2024.
Disebutkeun sanajan acan nampa laporan sacara resmi ngeunaan dugaan teu netralna ASN, TNI, Polrui, jeung kepala desa, Totok cumeluk ka sakumna masarakat babarengan nitenan netralitas TNI, Polri, ASN, katut kepala desa dina ngajaga netralitas puieun suksesna pesta demokrasi bangsa Indonesia.
"Hayu urang titenan sasarengan netralitas rengrengan panyalagra dugi ka TNI, Polri, ASN, sareng kepala desa, margi pemilu teh hajatna bangsa Indonesia," ceuk Totok.
Disinggung ngeunaan surat suara nu ruksak jeung nu leungit dina proses sortir dan lipat (sorlip) Pemilu 2024 a kudu sagancangna diganti. “Digantina surat suara dilaksanakeun supados jumlah surat suara saluyu sareng data pemilih di satiap wrwenfkon," ceuk Totok.
Baca Juga: Pj Bupati Majalengka Meredih ka KPU sangkan Kreatif keur Ngaronjatkeun Partisipasi Pemilu 2024
