Network
GALURA. CO.ID -Anggota DPRD Kabupaten Bandung, Tedi Supriadi, S.Pd.I ., M.Si nyebutkeun, satutas 55 anggota DPRD Kabupaten Bandung ngalaksanakeun reses Masa Sidang I Taun 2023 (14-17 November 2023), Senen, 20 November 2023 kunjungan kerja (kunker) studi tiru ka sababaraha daerah.
Daerah di Bali anu dipake studi tiru henteu sarua, gumantung komisina. Tedi Supriadi jeung sabatur-batur di Komisi A mah studi tiru ka Badung Bali. "Maksad ka Bali badè nyonto daerah-daerah nu tos sukses ngamotekarkeun potensi daerah, " ceuk Tedi di Katapang, tilu poè ka tukang.
Tedi nyebutkeun salassahiji fungsi anggota dewan tèh ngarumuskeun regulasi. Ngayakeun kunjungan ka daerah nu leuwih maju. "Badung, salah salasawios kabupaten di Bali nu tos maju kumargi sukses ngaguar potensi,” pokna.
Baca Juga: Umurna geus meh Saabad, Teu Kungsi Kasab Sèjèn Abah Ahmad Solèh 50 Taun Dagang Gulali
Ceuk beja, sababaraha kabupaten di Bali disubsidi ku Kabupaten Badung. “Tah, Kunker anggota DPRD Kabupaten Bandung ka ditu dina raraga studi tiru kanggo dirarapkeun di Kabupaten Bandung. Tangtos dina sisi regulasina" ceuk Tedi.
Mun seug aya anggapan kunjungan anggota dewan ka luar tèh untuk piknik atawa keur suka bungah wungkul, ceuk Tedi, eta teh teu bener.
"Simkuring teu resep ngèndong di hotel sareng naèk pesawat terbang. Tapi kumargi tugas, kedah dilakonan. Nya seuh-seuhanana mah kanggo kapentingan masyarajat ogè, " ceuk Tedi.***
