GALURA.CO.ID -Komunitas Panglawungan Galuh Kiwari Jumaah peuting (29/09/2023), malem Saptu, ngagelar ritual budaya: Jamasan Awak Sakujur Ngalokat Diri Guring Cai Kahirupan.
Acarana dimimitian jam 20:00 WIB. Tempatna di Pasir Raksa Bumi, Lembur Cikangkung, Desa Sindangsari, Kecamatan Kawali, Kabupaten Ciamis, Jawa Barat.
Runtutan acarana:
- Bubuka
- Maoskeun kalam ilahi
- Rajah + tawasulan + do'a
- Ngaguar singkat silsilah Eyang Jagatnata/Eyang Raksa Bumi
- Kidung pangruwatan
- Jamasan pusaka
- Ngabungbang
Wanci tengah peuting jam 00.00 acara sakral Ruat Jamasan Awak Sakujur Ngalokat Diri Guriang Cai Kahirupan.
Baca Juga: Seniman Ade Halimun Sakedet Netra Nganggit Rajah Gunung Sawal, Disbudpora Ciamis Tacan Katodel
Udagan ieu ritual keur miceun geuleuh keumeuh, cilaka, doraka, halangan harungan nu aya dina sakujur badan. Lian ti eta meresihan hate jeung kasakit hate.
Pupuhu Panglawungan Galuh Kiwari nyebutkeun anu diberesihan teh lain ukur banda budaya titinggal karuhun, tapi oge nu leuwih penting meresihan hate urang tina sagala rereged, kaasup panyakit hate.***