Network
Carpon Galura cetak edisi II Juni 2023 yasana Aan Mereka Permana: Nu Nungguan Kamar Hotel. Bisa digolongkeun carita misteri lantaran anu nungguan kamar hotel nu aya di Kota Ciamis teh, arwah rumaja putri, urang Kuningan.
Eta rumaja putri basa rek ka Pangandaran kapeutingan jeung kahujanan di Ciamis. Ku kabogohna jeung ku batur kabogohna diajak reureuh di hotel di Ciamis. Basa keur reureuh di warung ku kabogona dibere nginum nu ngalantaran dirina lenglengan.
Di kamar hotel dina kaayaan teu sadar digadabah ku kabogohna jeung ku babaturan kabogohna. Basa isuk-isuk hudang, kabogoh jeung baturna indit ninggalkeun dirina. Inyana ahirna balik sorangan naek beus Ciamis-Cirebon.
Di Kuningan, dicarekan laklak dasar ku indungna. Rerencepan minggat sarta nubrukeun maneh kana beus nu keur mengpengan lumpat. Arwahna saterusna nungguan kamar hotel tempat kakadian dirina digadabah. Teu weleh ngelingan ka wanoja nu diajak nginep ku lalaki nu lain muhrim.***
