Network
GALURA - Kapolres Majalengka, AKBP Edwin Affandi, S.I.K., M.H., nyangking pangajen ti Lembaga Perlindungan Anak Indonesia (LPAI).
Kapolres Majalengka ku LPAI dipeunteun kinerjana hade dina nangtayungan barudak jeung ngungkab kasus kejahatan ka barudak jeung ngungkulan kabaudna barudak Dina kasus kriminal di Kabupaten Majalengka.
"Parantos janten tugas simkuring ngaladenan Masarakat, kalabet murangkalih nu kedah leres-leres ditangtayungan. Simkuring moal liren ngungkab kasus kejahatan ka murangkalih," ceuk Kapolres Majalengka, Rebo sore (08/03/2023), satutas nampa pangajen ti LPAI.
Baca Juga: Korban Curanmor Bungaheun, Ngapimilik deui Motorna Dipasrahkeun ku Polres Majalengka
Kapolres Majalengka nyebutkeun pangajen ti LPAI teh hasil dedikasi tur konsistensi rengrengan Satreskrim Polres Majalengka hususna Unit Perlindungan Perempuan dan Anak (PPA) dina ngungkab kasus kajahatan ka barudak.
Ku nampana ieu pangajen jadi pamecut sumanget pikeun teru komitmen ngalaksanakeun tugasna dina nangtayungan masarakat hususna dina kasus tindak kejahatan ka barudak sangkan taya deui barudak nu jadi korban kekerasan jeung nu kalibet kasus kriminal.
"Kasus anak di wilayah hukum Polres Majalengka saleresna rupi-rupi. Prestasi anggota nu soson-soson dina ngalaksanakeun tugas dina ngungkabna," ceuk AKBP Erwin Affandi.*** Ayank R Sambara
