Network
GALURA –Politisi Patai Kebangkitam Bangsa (PKB) KH Maman Imanulhaq, anggota Komisi VIII DPR RI. nyebutkeun PKB miharep Pemilu 2024 tetep make sistem proposional terbuka saperti taun 2019.
“Pemilu 2024 nganggo sistem proposional terbuka urang bakal nembongkeun deui potensi-potensi nu langkung euyeub,” ceuk KH Maman Imanulhaq nyoarakeun sikep PKB, nalika ditepungan ku wartawan di padumukanna, Senen (20/02/2023).
KH Maman Imanulhaq nandeskeun PKB mibanda pandangan Pemilu 2024 leuwih hade make sistem proposional terbuka batan make proposional tertutup.
Baca Juga: Ngayakeun Diskusi, Kapolresta: Loba Penyelenggara Pemilu 2019 nu Tiwas, Tong Kajadian deui dina 2024
“Urang sadaya tos paham partey nu ngusulkeun sistem proporsional tertutup kangge ngaminimalisir persaingan teu sehat, utamina dina pasualan budget,” ceuk KH Maman Imanulhaq.
KH Maman Imanulhaq nyebutkeun nu ngaranna waragad atawa cost dina mapag taun pulitik saperti ayeuna memang kawilang badag.
Tahapan jeung jadwal Pemilu 2024 sacara resmi ditetepkeun ku pamarentah ku kaluarna Peraturan Komisi Pemilihan Umum Nomor 3 Taun 2022.
Kaluarna Peraturan KPU tadi ngandung harti pamarentah moal nunda Pemilu 2024. Sakaligus ngajawab polemik ngeunaan kamungkinan Pemilu 2024 ditunda.
Baca Juga: Bupati Bandung Miharep, Dina Pemilu 2024 Taya Black Campaign
Luyu jeung amanat Peraturan KPU Nomor 3 Taun 2022 Pasal 2, pemilu dilaksanakeun sacara efektif jeung efisien merhatikeun asas nu bersifat: Langsung, Umum, Bebas Rahasia, Jujur dan Adil (Luber Jurdil).
