Network
GALURA-Pemkab Kuningan ngaliwatan Dinas Koperasi Usaha Kecil Menengah Perdagangan dan Perindustrian (Kopdagperin) Kabupaten Kuningan, rukun gawe jeung Bulog Cirebon ngayakeun operasi pasar beas murah.
Eta teh dilakonan pikeun neken jeung nganormalkeun harga kabutuh bahan poko utamana beas anu kiwari apung-apungan. Harga beas di Kuningan, anu dijual di warung-warung geus ngahontal Rp 14.000 sakilona.
Kepala Dinas Kopdagperin Kabupaten Kuningan, Drs. U. Kusmana, M.S.i., nyebutkeun beas anu baris didistribusikeun dina operasi pasar kiwari reana 110 ton.
Baca Juga: Panen Pare Munggaran di Desa Kertawangunan, Acep : Patani Kudu Leuwih Motekar
Beas sakitu teh pikeun operasi pasar di 9 kecamatan, ngawengku Kecamatan Karangkancana, Ciwaru, Ciniru, Hantara, Cibingbin, Cibeureum, Cidahu, Cimahi jeung Kecamatan Pancalang.
U. Kusmana netelakeun, saban kecamatan bieu meunang jatah 10 ton. Sesana didistribusikeun pikeun 25 desa ngaliwatan Muslimat NU.
"Pangaos beas anu diical dina operasi pasar dipatok Rp 9.400 sakilona, maksimal warga tiasa meser beas 10 kilogram. Eta beas premium," ceuk U. Kusmana, basa mitembeyan nyalurkeun beas operasi pasar, di pakarangan Setda Kuningan, Senen, (20/2/2023).
Baca Juga: Program Petani Milenial, Pemdaprov Jabar: Perang Rusia Ukrania Matak Ngateugkeun
Bupati Kuningan, Acep Purnama, nyebutkeun operasi pasar payus dilakonan kiwari, dina mangsa harga beas keur undak. Sok komo moal lila deui bulan Suci Ramadhan.
