Network
GALURA - Wangunan (bangunan) jeung banda (benda) cagar budaya di Kabupaten Sumedang, Jawa Barat teh kawilang rea.
Nurutkeun catetan, wangunan jeung banda cagar budaya di Sumedang teh jumlahna aya kana 21, sajaba ti nu masih keneh diusulkeun ka pamarentah.
Kawajiban warga Sumedang patali jeung wangunan sarta banda cagar budaya eta, tangtu wae kalawan sadar sadia ngamumule jeung ngarumat, sabab lain tanggungjawab pamarentah wae.
Baca Juga: Rembug Bedas Méakeun Anggaran Rp 2,1 Miliar
Anapon cagar budayana, nyaeta Monumen Lingga, Gedung Bumi Kaler, Benteng Gunung Gadung, Benteng Gunung Koentji, Benteng Gunung Palasari, Gedung Disbudparpora, jeung Sasak Cincin Cikuda Jatinangor.
Lian ti eta, Sasak Cincin Kuta Mandiri, Makam Cut Nyak Dien, Makuta Koleksi Museum Prabu Gesan Ulun, jeung Meriam Koleksi Museum Prabu Gesan Ulun.
Aya oge Bunker Jati Sari, Pendopo Sumedang Utara, Prasasti Pembangunan Jalan Raya Pos, Rumah Cut Nyak Dien, Rumah Lama Tipe 2 milik Agus Ruhana, Siger Koleksi Museum Prabu Gesan Ulun, Gedung Srimanganti, Struktur Bangunan Ragadiem, Wisma Gending, jeung Monumen Loji.
Baca Juga: Ieu Amanat Najib ka Bacaleg PAN Kabupaten Bandung
Nurutkeun katerangan, di Sumedang saenyana rea pisan wangunan jeung banda nu saestuna merenah ditetepkeun jadi banda cagar budaya kawas sawatara imah kuna titinggal Walanda di Tanjungsari.
Ngan alatan nu bogana can mikeun wangunanna ditetepkeun jadi banda cagar budaya, antukna Pemda can wani netepkeun eta wangunan jadi banda cagar budaya.
Nurutkeun katerangan ti Seksi Kepurbakalaan dan Sejarah di Disbudparpora Kabupaten Sumedang, saenyana jumlah wangunan jeung banda cagar budaya di Kabupayen Sumedang bisa leuwih ti 21.
Baca Juga: Putri Anjungsari (11)
Ngan alatan masih keneh diusulkeun, jumlahna can robah ti 21.
Samalah, cenah, kuduna mah nu kacatet Sumedang teh asalna 22. Ngan lantaran nu hiji digugat ku ahli warisna jeung Pemda eleh di PTUN, ayeuna tinggal 21 deui.
“Nu teu janten banda cagar budaya alatan kawon di PTUN teh wangunan heubeul nu aya di Jalan Prabu Geusan Ulun. Ayeuna setatusna dicabut,” cek sumber Galura di Disbudpora Sumedang.
Baca Juga: Disdamkar Kabupaten Bandung Nyumponan Kabutuh APD, Saban Taun Dianggerkeun
Nurutkeun katerangan, ditetepkeunna wangunan jeung banda jadi cagar budaya di Sumedang teh teu sagawayah, tapi make dua Peraturan Daerah (Perda).
Kahiji, Perda Kabupaten Sumedang Nomer 7 taun 2015 ngeunaan “pelestarian bangunan, struktur jeung Kawasan Cagar Budaya”, jeung kadua Perda Nomer 1 taun 2020 ngeunaan Sumedang Puseur Budaya Sunda. ***
