Network
GALURA -Bupati Ciamis, Herdiat Sunarya, nyebutkeun kiwari masjid rea nu badag jeung agreng, ngan anu solat barjamaah mah bisa disebutkeun corengcang.
Bupati Ciamis nyebutkeun hal eta waktu ngaluuhan dilantikna kapengurusan DMI (Dewan Masjid Indonesia) Kabupaten Ciamis periode 2022-2027 di Aula Setda Kabupaten Ciamis. Rebo (25/01/23).
Waktu anyar dilantik, pikeun ngamamurkeun masjid, sangkan nu solat barjamaahna loba, Bupati Ciamis ngajaulkeun program Magrib Mengaji jeung Shalat Berjamaah.
Baca Juga: Dewan Pendidikan Dikukuhkeun, Dadang Miharep Mutu Atikan di Kabupaten Bandung Ngaronjat
Program Magrib Mengaji jeung Shalat Berjamaah pikeun ngamamurkeun masjid, ceuk Bupati Ciamis, alatan sasalad kandeg salila dua taun.
Awal taun 2023 Pemberlakuan Pembatasan Kegiatan Masyarakat (PPKM) geus dicabut, Bupati Ciamis miharep program Magrib Mengaji jeung Shalat Berjamaah bisa lumangsung deui kalayan maksimal.
“Pemda wajib mantuan, ngabina jeung ngawaragadan operasional Magrib Mengaji jeung Shalat Berjamaah. Di Kabupaten Ciamis, 99% kaum muslim,” pokna.
Bupati Ciamis nyebutkeun tanggung jawab sarerea pikeun ngajalankeun program Magrib Mengaji jeung Shalat Berjamaah.
Baca Juga: Angka Persentase Kasar 81,47 Persen, Atalia : Pokja PAUD Kuningan Picontoeun
Ceuk Bupati Ciamis, DMI teh penting pisan dina ngabina umat. Di Kabupaten Ciamis jumlah masjid jami ngahontal 8.224 mesjid, musola 5.700.
Pemda Kabupaten Ciamis, ceuk Herdiat Sunarya, di antarana geus nyadiakeun motor di unggal kacamatan keur ngadeudeul program Magrib Mengaji jeung Shalat Berjamaah.
“Mudah-mudahan dinga kapangurusan DMI Kabupaten Ciamis nu ayeuna program Magrib Mengaji jeung Shalat Berjamaah bisa lumangsung deui,” pokna.
Ketua PW DMI Jabar, KH. Ahmad Shidiq oge miharep pangurus DMI Kabupaten Ciamis nu diketuaan ku pajabat Pemda Ciamis leuwih getapan dina ngamamurkeun masjid.
Baca Juga: Pemkab Garut Ngawanohkeun Logo Tepung Taun ka-210 Kota Dodol, Taglinena 'Purnamakarya Rucita Wibawa'
“Hubungan DMI dengan Pemerintah diatur ku UU No 17 Tahun 2013. Katiten perhatian Pemda Kabupaten Ciamis ka DMI luar biasa,” pokna.
Anu jadi Ketua DMI Kabupaten Ciamis 2023-2027 teh Drs. H. Syarief Nurhidayat, nu di Pemda Ciamis ngajabat Kepala Dinas Peternakan dan Perikanan (Disnakan) Kabupaten Ciamis.
Kepala Dinas Tenaga Kerja (Disnaker), Kepala Dina Komunikasi dan Informasi (Diskominfo), jeung Kepala Dinas Perumahan Rakyat, Kawasan Permukiman dan Lingkungan Hidup (DPRKPLH) oge jadi pangurus DMI Kabupaten Ciamis.***
