Hujan Ngagebrét tur Rohaka Jumaah Pasosoré Ngabalukarkeun Caah jeung Urug di Pakidulan Garut

GALURA - Hujan ngagebrét tur rohaka Jumaah 20 Januari 2023 pasosoré kamari, ngabalukarkeun caah jeung urug di sawatara tempat di pakidulan Garut, Kabupatén Garut.

Ngan hadéna waé, kajadianna teu ngadatangkeun korban jiwa. Eta musibah alam, "saukur" ngaruksak sawatara imah jeung bandana, sarta sasak.

Eta hal ditepikeun ku Kepala Pelaksana Badan Penanggulangan Bencana Daerah (BPBD) Kabupaten Garut, Satria Budi.

Baca Juga: Rekoméndasi Piknik ka 'Hidden Gem' Anyar di Bogor, Tempat Wisata Endah Tur 'Instagramable', Pikabetaheun!

Baca Juga: Bunga Désa Dadang Supriatna di Sukanagara Direuah-reuah Pagelaran Wayang Golék Bhatara Séna

Baca Juga: Ningali jeung Dipoto Latar Kembang Sakura Teu Kudu ka Jepang, di Bogor Gé Aya, Rékomendasi Wisata Peré Imlék

Nurutkeun Satria Budi, wewengkon Garut aya poéna teu katinggang hujan, sok sanajan cuaca remen ceudeum.

Hujan kakara turun deui di wewengkon Garut kakara Jumaah 20 Januari 2023 kamari.

Ngan dina sakalina hujan deui, hujanna kawas anu dicicikeun ti langit, ngagebrét jeung rohaka kacida, sajaba ti lila teh. 

Baca Juga: Kantor Bale Desa Budiharja Ciamis Tacan Rengse wae, Meredih deui Bantuan ti Provinsi