Network
GALURA.CO.ID -Wakil Sekretaris Umum Pengurus Provinsi Ikatan Pencak Silat Seluruh Indonesia (Pengprov IPSI) Jawa Barat, B. Wahyudi., ST ngaku ngarasa reueus sabab mitembeyan Indonesia mibanda Undang-Undang ngeunaan kabudayaan nasional dina 27 April 2017.
"Undang-Undang Nomer 5 Taun 2017 perkawis Pemajuan Kebudayaan disahkeun pamarèntah kanggo acuan legal-formal munggaran kanggo ngokolakeun kabeungharan budaya di Indonesia, " ceuk Wahyudi.
Kituna ditepikeun Wahyudi waktu jadi nara sumber Dialog Hari Pers Nasional (HPN) 2024 nu diayakeun Jurnalis Independen Bersatu (Jitu) di Sekretariat Jitu, Komplek Linggahara 2 F 12 , Jalan Kopo KM 17, Terusan Al-Fathu, Soreang, Kabupaten Bandung, Juma'ah, 23 Pebruari 2024.
Baca Juga: Kinanti, Olahraga jeung Seni Ibing Penca Silat
Dialog ngaguar pasualan sosial, atikan, kabudayaan, ekonomi jeung kaagamaan. Ngogan sababaraha urang nara sumber, pamilonna sajumlah wartawan media boh media cetal, online, elekrronik, boh TV.
Wahyudi nepikeun ngeunaan penca dina IPSI, nu sajaba cabang olahraga ogè bentuk fisik kabudayaan nu pikareueuseun.
Ceuk Wahyudi UU Pemajuan Kehudayan jadi landasan jeung tarèkah ngamumulèna ku ngapungkeun Poè Penca Silat Jabar dina 12 Desember.
"Kalebet seni budaya, tarèkah miara penca tos dijalankeun ku pamarètah ku ngalobi Unesco supados penca janten warisan budaya dunia tak benda. Unesco tos ngasinugerahkeun warisan budaya dunia sawatara taun ka pengker," ceuk Wahyudi.
Wahyudi miharep penca teu ukur jadi cabang olahraga, seni jeung budaya, tapi ogè media pikeun ngabentuk watek jeung karakter SDM nu unggul. *** Sopandi
